La profesión de influencer entre las preferidas por los adolescentes.
-¿Qué más da?
-¿Cómo que qué más da, Jonatan? Suspendisti la EBAU y…
-Que me da igual, pá.
-Sí, ho. Y agora pa dir a la Universidá…
-Que non, que paso.
-¿Cómo que pases? Vas tener que ponete en serio a estudiar.
-Que non, que non.
-¿Entós?
-¡Voi ser youtuber!
-¿Qué, ho?
-O tiktoker… o streamer o…
-¿Es qué, ho?
-¡Influencer, pá! Voi ser influencer, vas flipar.
-Anda, vete a la to habitación y ponte a estudiar.
-¿Estudiar pa qué?
-¡Coime, pa ser alguien el día de mañana!
-¡Yá soi alguien, pá! ¡Soi’l to fíu!
-Anda calla, menuda joya, ¡yá nun sé qué facer contigo!
-Soi creador de conteníos. El putu amu, ¿oíste?
-Sí, ho…
-Tengo munchos fans, ¡toi petandolo, pá!
-Lo importante na vida, Jonatan, ye lleer, estudiar…
-¡Meeee! Yes un millenial, pringao. Nun tas preparáu pa la vida moderna.
-Yo soñaba con saber muncho, pa ser Premiu Nobel.
-¿Premiu qué, ho? Tas guapu…
-¿Por?
-Voi trunfar, pá, vas flipar.
-Tol día coles pantalles y esas pijadas, Jonatan….
-¿Sabes la pasta qué da?
-Vergüenza.
-¿Eh?
-A mi daríame vergüenza, Jonatan.
-¿Ganar lo que ganen?
-Salir diciendo pijadas.
-¡Eh cuidao! Yo digo lo que siento, les coses como son.
-¿Pero qué coses, Jonatan? Si nun lleísti un llibru, si nun sabes nin…
-¿Y qué? Voi ganar más perres que tu y sin esforzame un pijo.
-Anda, tira pa la cama, que me tienes contentu.
-Fago unes coreografíes que flipes. Y subo vídeos que…
-Voi subite yo pero un hostiazu bien dau.
-Papa, nun sías carca y respeta a la xeneración Alpha.
-Tamos yendo pa tras. Esto ye tremendo.
-Soi un referente pa muchísima xente.
-¿Tu?
-Sí, pá, sí.
-Pero si casi nun acabes el bachilleratu y suspendes la selectividá.
-¿Qué tien que ver? Soi creador de conteníos.
-¡Puf! Estos fíos…