Cisma de chigre
05/09/2023
La jerga terapéutica
19/09/2023
Show all
Nun salen les cuentes, ¡nun salen!

La vuelta al cole más cara de la historia.

-Anda, déxalo yá, vete pa la cama.

-¿Por?

-Tienes cara de suañu.

-Y tú tienes cara de monu y non te mando a la selva.

-¡Meeeee! Pero, Carmen, por favor…

-¿Qué ye? 

-Non te pongas faltosa, eh. Que yo nun tengo la culpa.

-¿Y yo? 

-Tomeslo mui a pechu, muyer, tas estresada…

-¿Tengo yo culpa de que nun salgan les cuentes? 

-Tolos años igual. Cola dichosa vuelta al cole…

-Non, Carlos. ¡Esti añu, el peor!

-¿Por? 

-¿Nun lo tas viendo? ¡Tamos guapos! Papelería, zapatillas, mochila…

-Tranqui, ho.

-400 euros por guaje. Y tenemos trés, eh. ¡Trés! Ropa, calzáu, la tablet…

-¿La qué?

-Mira, Carlinos, vete a la mierda. Paez que te bañasti con aceite.

-¿Por?

-¡Todo te resbala, Carlos! ¿Nun ves lo caro que ta todo?

-Yá, chica, pero…

-Los llibros de testu n’España son los más caros de toa Europa, ¿oíste?

-Tamos en periodu inflacionista, muyer.

-¡Tienes más cuentu que Disney! ¿Pero nun ves que nun llegamos?

-Claro, oye, ente la cesta de la compra…

-Y llibros, material escolar, ropa cómodo pa los trés… 

-Oye, yo…

-¡Tu nin sabes mercar nin sabes comer!

-¿Qué dices? Toi alimentándome bien.

-Sí, ho.

-Toi tomando muncha fruta.

-¡La sangría non cuenta, oveya!

-¿Cómo que non? Lleva trocinos de manzana, naranxa, llimón…

-Enriba de faltosu, bebedor.

-Bebo muncho agua. Y como aguacate, el cincuenta per cientu ye agua.

-Ah, ¿sí? ¿Y el otru cincuenta?

-Cate.

-¡Vete a la mierda!

-Vaya, ho…

-¡Ponte les piles, Carlos, que yá acabó’l branu!

-El branu nunca termina.

-Home, non.

-Solo cambia de llugar. 

-Nun salen les cuentes, ¡nun salen!

-Non te agobies tantu, cielu. Fijate en mi.

-Yá te veo, yá. Para ti’l matrimoniu ye como les cuentes d’aforru.

-¿Qué?

-De tantu meter y sacar piérdese l’interés. ¡Eh, eh!

-Non ye eso, muyer. Toi entre “quiero aforrar” y “solo se vive una vez”.

-Nun tienes chapeta, tas viendome sufrir echando cuentes…

-Tranqui, vida. Y vete pa la camina, que mañana ye día d’escuela.

Comentarios

comentarios