Estrés térmico
15/08/2023
Mosqueo mundial
29/08/2023
Show all
¿Pero por qué mete barriga?

El arte de la seducción.

-Meca, mira l’el tu Armando.

-¿Ónde, ho?

-Ellí en frente, ta tratando de ligar con aquella rapaza.

-Meca, ye verdá ¡Jajajaja!

-¿De qué te ríes, ho?

-A ver cuanto aguanta metiendo la barriga pa dientro.

-Fía, yes terrible.

-Home, mira p’ahí. ¡Paez un águila!

-¿Por qué, muyer?

-¿Nun te fijaste cómo lleva les uñes de los pies?

-Fía, Merche, yes demasiáu dura con él.

-¡Home, vaaa!

-Pos la rapaza paez encantada.

-Sí, ho. Yá vas ver lo que tarda en mandalu a la mierda.

-Probe… Col palique que tien…

-Ye un rollista, ¡nun calla! Tará diciéndo-y: ¿qué series me recomiendes? Y ella a él: unes series d’abdominales. ¡Jojojo!

-Fía, qué mala yes. 

-¡Miralu, nin respira! 

-Con tal de disimular…

-Tará diciéndo-y: nun tengo barriga, ye que’l sol desfízome la tableta. ¡Jajaja! 

-Tu rite, guapina. ¡A ver si al final marcha con ella!

-¡Huy, nun caerá esa breva! ¿Ónde hai que firmar?

-¡Míralu, míralu! La verdá ye que ta más espurríu que’l sueldu mínimu.

-Claro, boba, si hasta se punxo de puntilles.

-Esti Armando ye tremendu.

-Piensa que metiendo tripazu va lucir tipazu. ¡Jojojo!

-Qué mala yes, de verdá.

-Sí, ho. Cómo se nota que tu non lu tienes qu’aguantar.

-Mira, parez un ratonín subíu a un quesu.

-Esti día va y suéltame: cari, veome vieyu y gordu, ¿qué tengo?

-¿Y tu qué-y dixisti, ho?

-Razón, Armando. ¡Tienes tola razón! ¡Jojojo! 

-Fía, yes bien mala. Nun se-y puede falar asina a un seductor.

-A mi nun me seduz nada, Maricarmen. Y mira, namás que doi la vuelta…

-Probe. Mira cómo mete barriga.

-Vive n’otru mundu, fía. Diz que si peses 90 kg na tierra, peses solo 35 kg en Marte. Y diz que nun ta gordu.

-¿Entós?

-Que ta nel planeta equivocáu.

-¡La madre que lu sibló!

-Come como una lima, fía, val más saltalu qu’arrodialu.

-¿Pero por qué mete barriga?

-Déjalu, boba, ye feliz asina.

-Yá. ¡Jajaja! Probe. Vése-y tan contentu…

-A ver cuanto aguanta metiendo la barriga pa dientro.

Comentarios

comentarios