La polarización se dispara y embarra los ligues de verano.
-¿Pero, tía, qué más da?
-¡Ai non! Si nun lu supiera, pero sabiéndolo…
-¿Pero vamos quedar así, Anamari?
-¿Quién te mandó sacar el tema?
-Dijistelo tu: ¡sácalo, sácalo!
-Nun me refería a eso. ¡Qué tuntu yes!
-¿Ves? Yá tamos. L’insultu y la descalificación…
-¡Aparta!
-Pero Ana, tola verbena tirándome los trastos y agora..
-Anda, ponte p’allá.
-¿Por qué yá non te puedo nin abrazar?
-Porque tas abrazando un ideariu bien chungu, Anselmo. Y yo asi nun puedo.
-Pos anda que tu…
-¿Yo qué, ho?
-Tola nueche adoctrinando, Anina, nun respetes nin un revolcón.
-¿Yo?
-Sí, tia, venga bulos y desinformación.
-¡Cínicu, zamarro!
-En bona hora saquéte a bailar…
-Tais polarizando el branu, Anselmo.
-Ye verdá, esto ye insano.
-¿Qué ye, que nun podemos llegar a alcuerdos, ho?
-¿Alcuerdos de qué?
-Unos mínimos, Anamari: el perreo, un revolcón, una de churros, qué sé yo.
-Na, Selmo, vístite, yá me pasó’l calentón.
-¿Hai lineas rojas, ho?
-Formigues, formigues coloraes. La picadura ye más dolorosa.
-Tas mui afectá polos sondeos. Tienes la cabeza en “El Hormiguero”.
-Yo intentelo, Anselmo, bailé “Paquito el chocolatero”, nun te falé de toros nin de política ambiental pero cuando nos ponemos al tema…
-¿Qué ye, ho?
-¡Que solo sabes crispar! ¡Yes faltosón!
-Ye culpa tuya, Ana, que nun tienes nin conversación.
-¿Cómo que non?
-Solo interxecciones ”¡ah!, ¡oh!, ¡uy!” o la mesma palabra ”asi, asi”.
-Meyor eso, Anselmo, que’l discursu d’odiu que lleves tu.
-¿Yo?
-Sí, tío, sí.
-Nun sías sectaria, por favor.
-Fue ponenos a morrear y empezar tu a tergiversar.
-¡Puf! Qué branu tan tensu, nun voi ligar un pijo, yá lo toi viendo.
-Ye que yes faltosu, Selmo, y tas mui crecidín.
-¿Pero vamos quedar así, Ana?
-Contigo nun pueo, lo siento.
-¿Tas vetándome, Anamari? ¿Tas vetándome?
-Nun sabes nin discrepar educadamente nel prau de la fiesta.
-Pero dixisti que te ponía muncho, que…
-Yá, hasta que supi cómo pensabes, hasta que t’escuché falar…
-¿Pero, tía, qué más da?
-¡Ai non! Si nun lu supiera, pero sabiéndolo…