Secuelas del Euroyeyé.
-¡Vamos, preciosa!
-¿Yá tamos, Arcadio?
-¡Sube, anda, vamos pa La Ñora!
-Tolos branos igual.
-¿Qué ye, ho?
-Termina’l Euroyeyé y quedes p’allá.
-¿Pallá pa onde?
-Que tas colgáu.
-¿Yo?
-¿Crees que puede venise en vespa?
-Sí, ho. Pol muru, despacín, sin el cascayu…
-¿Pero cómo quies que me suba colos tupper, la sombriella y la de la mi madre?
-Tira la bolsa, Mar, déjalo tou.
-¿Cómo ye, ho?
-Colecciona momentos, non coses.
-Tola nueche faciendo la ensaladilla pa que vengas tu ahora…
-¿Qué?
-…Dando que hablar.
-Déjalos, que hablen a mis espaldas. Eso quier dicir que yo voi per delantre.
-¡Meeee!
-Venga, Mar. Que la to neña interior viva arguyosa del mujerón que yes.
-Echa’l frenu, bigotín.
-La velocidá ye buena p’aprender qu’hai que dir despacín.
-¿Non te canses de dicir pijaes?
-¿Qué aceitunes echasti a la ensaladilla, con güesu o sin güesu?
-Anda, Arcadio, tira esi pelucón.
-Un respetu, Mari, que soi mod.
-¿Qué yes qué, ho?
-Sentise mozu solo tien que ver cola fe.
-Sí, cola fe-cha-de-nacimientu.
-Somos Sixties, Marisol.
-¿Tu y yo?
-Claro. Los sesenta, el underground, la cultura mod…
-Calla, ho.
-Tu, Mar, fuisti chica Yeyé.
-Y ahora tengo fíos Nini, ¿cómo lo ves?
-¡Que se busquen la vida!
-Arcadio, se te va la pinza.
-Yo tampoco sé vivir, toi improvisando.
-Yá lo veo, yá.
-Siempre jóvenes, Mar.
-¿Quién, ho? ¿Tu y yo?
-Sí, Mar. Nun pasa’l tiempu.
-Claro. Por eso fai tanto que nun arregles el pelo.
-Porque nun me gusta.
-¡Porque nun lu tienes, gilipollas!
-Vaya, ho.
-Anda, tira’l pelucón.
-Date una allegría, Mar. ¡Venga, nun salimos un pijo!
-¿Cómo que non?
-Coime, Marisol…
-Tamos nun momentu de la vida en que facer la compra cunta como salir.
-Ah, coño. Visto así…