¡Tenemos que quedar!
09/03/2021
Paco Pibón
23/03/2021
Show all
«A mi cola pandemia jodioseme’l reló internu»

Un año de pandemia.

-Pues fae un añu taba yo encerrau en casa lavando plátanos.

-Y yo, Severino, y yo.

-Comiendo como un gochu y paseando a la perra entre platu y platu.

-¡Un añu ya! Manda cojones… 

-Y menos mal que tamos aquí pa contalo, Jamín. ¡Menos mal!

-Digotelo yo. Otros, los probes…

-¡Gonsumadre! El tiempu que nun pasaba ni pa Dios, les hores yeren días.

-Y tolos días yeran lunes.

-¡Ehí, aguantando mecha, cagau de miedo, hasta pa dir al súper!

-¿Y aquelles coles pal papel higiénico?

-¡Puf! La semana faciase más larga que’l campo de Oliver y Benji.

-Y venga telediarios, y cifras, y picos y rebrotes…

-Como ahora, no te jode.

-Nun ye lo mismo, Severo, vas a comparar…

-Bueno, ya. Ahora podemos caleyar un puquiñín.

-Pero el bichu sigue aquí, nun aprendimos na.

-Un añu cola puñetera mascarilla y tovía se nos empañen las gafas.

-Ye verdá. Yo nun sé cómo s’arregla la gente… 

-Yo cola visión borrosa siéntome más inútil qu’una agenda del 2020.

-¡Un añu ya, cómo pasa’l tiempu!

-Eso ye lo malo.

-¿El qué?

-La percepción del tiempu. A mí cola pandemia jodióseme’l reló internu.

-¿Que qué, ho?

-Nun sé ni en qué día vivo. ¡Toi alloriau!

-A mí pasábame cuando taba encerrau. Nun sabía la hora hasta los aplausos.

-¿Qué aplausos?

-Digo: ¡Nati, tan aplaudiendo, son les ocho! Y poniase a calentar la cena.

-Cenar temprano ye bárbaro pa evitar el toque de queda.

-Sí, ho. A mí cambiome hasta el biorritmo.

-¿Quién nos lo diba a decir, eh?

-¡Un añu ya!

-El otru día quedé mirando pala chigrera y digo: ¡Marisa, vas tener que dame una foto antigua!

-¿Por?

-¡Coño, porque ya nun m’acuerdo cómo yera ella sin mascarilla!

-Meca, ye verdá. Olvidáse ún de too.

-¡Tamos varilla, trasbolaos!

-Si te pares a pensar, fáltanos un verano.

-Y fiestes, Severo, y viajes, y abrazos.

-¡Un añu ya! Lo del tiempu ye un misterio. 

-¿Por?

-¡Ye mui elástico!

-¿El qué, ho?

-Una semana pué ser un suspiru y un minutu durar una eternidá.

-Ya. Yo antes sabíalo polos ritmos circadianos, ahora selo pol recibu de autónomos.

-Ya, eh.

-Lo jodío que ye, con esti telar, llegar a fin de mes.

-¡Y un añu así! Ya ves.

Comentarios

comentarios