Miedo a saltar al campo.
-¿Idiota yo? ¿Por?
-¿No me dijiste que me metiera contigo?
-¡En la piscina, ho!
-¡Ah! Meca. No, no. Paso.
-¿Por?
-¡Nun salgo!
-¿Entós pa qué pusimos la piscina?
-Tu sabrás. Menuda fiebre vos entró con les piscines hinchables.
-¡Sal, ho! Échame Fairy al agua.
-¿Fairy? ¿Pa qué?
-¡Pa quitame la grasa! ¡Con tantu confinamientu, engordé!
-Tas como una chota.
-¡Ven acá, coño, que volvimos a la normalidá!
-Nun te fagas ilusiones. Esto ye una pandemia, no un milagru.
-¿Qué, ho?
-A la normalidá solo volvieron los que yeran normales. Pero tu…
-Tas buenu pa hablar.
-¿Por?
-Yes más raru que una buena noticia.
-Nun soi raru, tengo el síndrome de la caseta.
-¿El qué, ho?
-¡El síndrome de la caseta!
-¡Será el síndrome de la cabaña, oveya!
-Que no.
-¡Anda, sal al prau! Daste un bañu y jugamos al balón.
-Déjame de prau, tengo el síndrome de la caseta, nun pueo ni goler la hierba.
-¿Cómo ye, ho? ¿Ya nun te gusta el fútbol?
-¡Nun pienso saltar al campo, quédome nel vestuario!
-¿Qué dices?
-Al coronavirus ganamoslu gracies a Simeone, jugando como manda El Cholo.
-¿Cómo ye, ho?
-¡Encerraos y saliendo poco!
-¡Pero ya pués salir, ho! ¡Hai tolos días partido!
-Na. Desengancheme.
-¿Qué ye, que nun vas ver el derby?
-Eso nun ye fútbol.
-¿Por?
-Sin público, a eses hores, con cinco cambios y pauses pa tomar cacharros…
-Ye lo que hai.
-¡Que nos devuelvan les perres, que depués del Covid vien el Débola!
-¿El qué, ho?
-Debo la luz, debo la casa, debo na tienda…
-¡Tas obsesionau!
-¡Y tu gastando perres en una piscina hinchable!
-¿Preferíes sacar númeru pa dir a la playa?
-Nun pienso dir a ningún lau.
-¿En serio nun vas ver el partido?
-No. Dame mieo hasta ver el prau.
-¡Sal, Octavio, que nun hai peligro!
-¡Home, no! Virus, avispas velutinas, mosquitos tigre, cocodrilos en Pucela… ¡Anden jugando a Jumanji, faeme casu!
-¡Atrévete, Octavio, que ye verano!
-Tengo el síndrome de la caseta. ¡Nun salto al campo!