Arrimar el hombro.
-¡Vamooos, Celso!
-¡Peraaa, hoooo!
-Cogistelo con gana, eh.
-Uf, tantos días encerrau soñando con los chigres abiertos…
-¡Coño, pero si abrieron cuantayá!
-La barra, Anabel.
-¿Qué?
-Yo siempre fuí de barra, lo raro ye que nun faga ballet.
-¡Vamooos, ho!
-Déjame, Anabel, que tengo que beber por tres.
-¿Cómo ye?
-Coime, si los chigres tienen un tercio de su capacidá habrá que cuadrar les cuentes. ¡Si no, nun yos-da!
-Que nun ye así, Celso, entendístelo mal.
-¿Por?
-Una cosa ye arrimar el hombro y otra empinar el codo.
-Si cae la hostelería que nun sea por mí. ¡Otra birra, voi apadrinar un barril!
-Despégate, Celso, tenemos que marchar.
-¡Yo lo que tengo ye mucha sed acumulá!
-Vamos, Celsín, que vas engordar.
-Nun toi gordu, Anina, toi hinchau por tolos golpes que me dio la vida.
-¿Y el cuerpazu de verano?
-¡Pal añu que vien!
-¿Eh?
-Esti añu, con el rollu la pandemia, aplazámoslo. Además, pa eso tengo el guasá.
-¿Pa qué?
-Cada vez que lu miro diz que toi en línea.
-Anda, deja de chumar, que luego ya sabes lo que te pasa.
-¿Qué?
-Celso, que tu yes de vomitar.
-¡Mentira, soi de Vodafone!
-O marchamos, o sentámonos a picar algo. ¿Qué ye lo más fresco que tienen?
-¡La pintura del mostraor!
-Meca, por eso güel así, ya decía yo…
-Ye que tuvieron de reforma, Anabel, pintaron la barra pa la fase 3.
-¡Ah!
-Metiéronse en gastos, vida, por eso hai que colaborar.
-¡Ay, Celso, nun bebas más!
-Coime, vida, ye por apoyar al sector. Si toos ficieren como yo…
-¡Vaya panorama! Sin fiestes de prau, la playa por turnos y tú aquí pegau…
-Esto trajo mucha angustia. Mucha.
-A mí me lo vas a contar…
-Que llegue la vacuna aunque sea un supositorio.
-Nun bebas más, cielo. Vamos a la calle pa que nos podamos amar.
-A mar ye a lo que saben los percebes, Anabel.
-¡Ya tas poniéndote faltosu! ¿Ves?
-¡Otra birra, voi apadrinar un barril!
-¡Anda, vida, vamos ya!
-¡Pera, cielo, que tengo sed atrasá!