Fin del estado de alarma.
-¡Tranqui, Manolo, que garres el volante y poneste llocu!
-¡Por fin, Auri, por fin!
-Despacín…
-¡Cagonrós, Aurina!
-¿Qué ye, ho?
-¡Tengo muncha ansiedá acumulao!
-¿Por?
-Llevo meses garrando’l coche pa dir al autocovid, namás. Y agora…
-¡Ai madre! ¿Nun será mui precipitao?
-¡Hai qu’aprovechar antes de que nos metan más peajes!
-Meca, ye verdá. Van dexanos guapos.
-¡La madre que los parió!
-Van acabar cobrandonos hasta por conducir el carricoche de la cría.
-Home, si vas por autovía…
-¡Tamos guapos! Tanto pagar impuestos…
-¡Ai Aurina, la nueva normalidá yera esto!
-¿El qué, ho?
-Llibre movilidá sí, pero pagando.
-Bueno, anda, tú vete despacín que tas de los nervios.
-¿Cómo voi tar? ¿Tu sabes lo que ye conducir sin cierre perimetral? Tengo unes ganes de pasar la frontera y comprar unes corbates en Unquera…
-Habrá que tomar algo en Llanes.
-Diz que tan en riesgo extremo.
-¿Y eso qué significa?
-Nun sé, hai munchu matu, pamique nun lo saben nin ellos.
-Y cuando lleguemos a Euskadi…
-Más matu tovía. El gobierno vasco quier una cosa pero el tribunal diz otra…
-¿Entós?
-Hai qu’informase bien. Cada persona ye un mundu, cada comunidá tamién y cada conceyu tien les sos coses…
-¡Habrá que facer un croquis!
-Ye igual, Aurina, vamos recuperar la vida. ¡A quemalo too!
-Sí, ho.
-¿Qué ye?
-Acabase l’alarma pero no la epidemia. ¡El bichu sigue, Manuel!
-¡Déjame vivir, Auri!
-¡Nun seas oveya, eh! A ver si vas facer tú como esos que tan de botellón.
-No, home, pero yo…
-Vidina, tas sin vacunar. Y lo peor ye que tas sin cepillar.
-¿Cómo ye, ho?
-¡Cabeza, Manolo! ¡Cabeza! Que somos de Ciaño, cojona, nun tamos pa vivir a la madrileña.
-¡Somos llibres, Auri!
-Yes más simple que cayer pa embaxo.
-¿Por?
-Como haya un repunte, ¡adiós verano!
-Tranqui, ho. Ya se pué too: pasear de noche, cenar sin mirar el reló…
-¡Ai Dios! Nun sé yo…
-¿El qué, ho?
-Si nun será mui precipitao…
-¡Acelero, cagonrós!
-¡Cabeza, Manolo! ¡Por Dios!