La minería en lucha
-¿Qué sabes de tu pa?
-Tan bien, tío. Diz que tan bien.
-¿Y tú?
-Flipando, chaval. ¡Como toos!
-¿Por?
-¡Ye una provocación! ¡una puta provocación!
-Home…
-No respeten el acuerdu, lo que ta pactao, y luego dedícanse a intoxicar y a…
-¿No nos estaremos pasando?
-¿Qué quies facer?, ¿echar unes carrerines por la escombrera?
-No, coño, pero hai veces que…
-Si sales con los brazos en alto yes un capullo perroflauta y si quemas neumáticos un terrorista peligrosu.
-Ye lo que piensa mucha gente, ¿oíste?
-Sí ho. Y que tu pa y el míu tan fartos de perres…
-..Y que se encierren en el pozu pa salir en la tele.
-Calla, no me hables de la tele. ¿Viste los informativos nacionales?
-¿Y esos periódicos de Madrid?
-¡Tan dándonos caña, pa echanos a la gente encima!
-No vaya a ser que se sumen otros trabayaores, otros sectores…
-Ya. Y acabe la cosa en levantamientu popular.
-Por eso nos vacilan, tio. ¿Qué crees, que ye solo cargase les cuenques?
-¿Eh?
-Ye más, tío, ye un símbolo de la lucha obrera.
-Home, a veces descontrolamos un poco.
-Seguramente. Y yo lo siento, ye jodío. Tamos jugándonos el futuro.
-El de toos, eh. No sólo el tuyu y el míu o el de los nuestros fíos…
-Nun hai perres pa la mina, ni pa sanidad, ni pa educación…
-Ya, pero sáquense onde sea pa salvar el pufu bancariu que ellos mismos crearon.
-¿Cuántos días lleven?
-¿El qué ho?
-Abajo, en el cierru.
-Qué sé yo, ni me acuerdo. Ventiocho días, creo.
-Joder, eso ye una burrá. Mi ma ta de los nervios.
-Y mi tíu en la marcha negra. Andamos toos…
-Unos apoyando y otros criticando.
-Bah. Ye normal.
-¿Normal?
-Que si el carbón nun ye rentable, que si les subvenciones…
-¿Qué ye, que la gente nun sabe too lo que se subvenciona en esti país empezando por los toros?
-Y luego ta lo de les prejubilaciones…
-Vale. El que tuvo suerte salió bien, pero miéntese mucho con les cantidaes, eh, cuidadín…
-Además, el que tuvo ahí abajo picando… Hai que saber lo que ye.
-Y les secueles físiques que te queden. ¿Acuérdeste de…?
-Déjame, nun quiero acordame de más desgracies.
-¡Que salimos de esta, guaje!
-Eso espero. A ver si no la cagamos como con los fondos mineros.
-Ya. Calla… Si se hubieran generao otres alternatives de trabayu…
-Oye, algo hízose.
-¡Ahí alguien metió mano, no me jodas!
-Igual sí, ¿oíste? Y tamién por eso tamos como tamos.
-Pues que se investigue lo que haga falta pero ahora…
-Hai que resistir, joder. ¿Vienes?
-¿Ónde ho? A la boca el pozu. A grita-yos un poco.
-¿Qué?
-¡¡¡No estáis solos!!!