El virus son los otros.
-¿Ya tamos, Herminio?
-¿Pero tu viste cómo van, ho?
-¡Mira p’alante, cojona!
-Tan a lo suyo, tol día de botellón…
-¿Quiés callar, ho?
-¿Qué ye, que nun pueo ni mirar?
-Tu nun miras, Herminio. ¡Tu sospechas! ¡Tas tol puñeteru día igual!
-¿Cómo vamos salir d’esta, eh? ¡¿Cómo vamos salir?!
-Preguntatelo a ti.
-¿Que qué, ho?
-¿Por qué te crees tú mejor frente al covid que los demás?
-¿Qué dices, Mariasun?
-Nun soporto esi sentimientu de superioridá moral.
-¿Pero tu veslos, Mari? ¿Vístelos cómo van?
-¿Quiés dejar de culpar a los demás y asumir tu responsabilidá?
-¿Mi qué, ho? ¡Mariasun, por favor…!
-¿Qué ye? ¿Que tu tolo faes bien, ho?
-Yo, Mari, fago lo que me manden.
-Ah. ¿Y los demás?
-¡Coime, hai persones que tan incumpliendo les normes!
-Habralos, Herminio. Pero son una minoría.
-Sí, ho. Calla a ver…
-Ponesme negra, pichonín. ¡Tás obsesionau colos demás!
-Esi rapaz lleva seis meses cola misma mascarilla, Mari.
-¿Ves? Ridiculizas al otru pa poder responsabilizalu.
-Ridiculízase él solu, vida. ¿Nun ves cómo va?
-Yo nun y-veo na raro, Hermi.
-¡Ah! Porque namás venos pusola bien, pero llevaba la mascarilla mal puesta.
-Herminio…
-Y pamique nun tá homologá. Además, echó un pitu al lau nuestru y saludó a un puntu que llevaba una bolsa con botelles y tuvieron carraspeando a lo zorro…
-¡Calla, coño, calla!
-¿Por?
-Esto nun ye una serie policiaca.
-Claro que no. La pandemia ye una cosa mui seria.
-¡A ti nadie te pué decir na! Pero tu…
-¿Qué, ho?
-Pienses que yes mejor ciudadano que los demás.
-¿Yo?
-¿Sabes cómo se llama eso? ¡Ilusión de superioridá!
-¿Qué me tás contando, Mariasun? ¿Qué me tas contando?
-Ye un mecanismo de defensa, Herminio. Nun mos gusta sentinos culpables.
-¿Pero viste esi rapaz? ¡Mira p’ahí, ho! ¿Viste cómo va?
-Ya, ya. Todiós lo fae mal y tu lo faes bien.
-Esa mascarilla nun ta homologá, namás vela.
-¡Anda, tira p’alante! ¡Tiraaaa!
-Voi tener que poner un dron pol barrio, esto ye un descontrol.
-Tas tu buen dron.
-Ta cambiando la cepa, Mariasum. ¡Atentos!
-Tu sí que tas cambiando.
-Yo siempre fui así. Formal como pocos. El virus, Mari, son los otros.