Porno emocional.
-¿Así que lo quies dejar, Emiliano?
-¿Eh?
-O sea, que quies romper conmigo.
-Sí, bueno…Pero…
-¿Y no pués venir a la cocina a decímelo a la cara?
-Ye que taba confesándome aquí en Youtube y…
-¡Qué fuerte, Emi! Que tenga yo qu’enterame por interné…
-Iba a comentatelo luego, Anamari.
-¿Luego?
-Toi atendiendo a les visites, Ana.
-¿A quién, ho?
-Toi compartiendo lo que siento, mis seguidores tan opinando de lo nuestro…
-¿Y a ti paezte normal? ¡Emiliano, yes un capullo integral!
-¿Ya tamos? ¿Nun pues hablar sin faltar?
-Toi en la cocina y nun me dices ná y tas contando coses míes a los demás.
-Compartir lo que sentimos, Anina, faenos más humanos.
-¡Vete a la mierda, Emiliano! ¡A ti esti mundo se te va de las manos!
-¿Por?
-Andes tol día contando miserias, exhibiendo ahí tus penas…
-¿Y qué?
-¡Coño, que tas prejubilau, no yes un millennial! ¡Patéticu!
-Lo que te fastidia ye que tenga tantísimes visites, que tea mui vivu en la red.
-En la red, sí. ¡Pero en casa yes un mueble y en la cama ni te cuento!
-Aquí desnudo mi alma, Ana, digo lo que siento.
-¡Tas ociosu! ¡Y lo único que quies ye llamar la atención a costa de lo que sea!
-¡Mentira!
-Home, no. Desde que grabaste a la guaja llorando porque murió el perru…
-¡30.000 visites! ¡Cuidao, eh!
-Tas enganchau al sentimentalismo, al drama gratuitu…
-Son emociones, Anamari. Ábrome en canal.
-¡Ye porno, Emiliano, porno emocional!
-Sí, ho. Yo sufro, y cuéntolo.
-Tamién sufro yo, oveya. Pero dígotelo a ti, no lo ando colgando por ahí.
-Soi Youtuber, fía. Ye lo que hai.
-Desde que te metiste en esa mierda, ni podemos hablar ni tenemos intimidá.
-Tengo una audiencia planetaria, Ana, esto no ye la Tpa.
-¡Qué lástima, Emiliano! Se te va, tío, se te va de las manos.
-¿Por?
-¡Tanto llorar, tanto llorar!
-Ye lo que hai.
-Que si la zozobra existencial, la nieve,l’ansiedá, el declive del fútbol regional…
-Yo sufro, Anamari, y cuentolo.
-¡Quiés cortar conmigo y no vienes ni a decímelo!
-Jobar, primero subí un vídeo y ahora…
-¡Ahora, mierda pa ti, faltosu!
-¡Vaya, ho!
-¿Qué quies que faga? ¿Un stori o una patá en los coj…?
-Anamari, son tiempos raros…
-Se te va, Emiliano, se te va de las manos.