Cuarentena, día 33.
-¿Diga?
-Coño, Velino, paeces un orco.
-Pero Richi, ¿de qué vas? ¿cómo me faes una videollamada sin avisar?
-Bah. Yo…
-Toi sin duchar, en plan gochón.
-¿Qué más da, ho?
-¿Tas bien? ¿Pasote algo?
-Covioveyas, coronapijos, balconazis… ¡Toi fartu!
-¿Entós?
-Necesito una conversación inteligente de vez en cuando.
-Ah. Por eso me llames.
-Llamote pa decite que nun te voi llamar más. Solo voi charrar conmigo mismu.
-¿Cómo ye, ho?
-Vivía la cuarentena en piloto automáticu, Velino. Taba más confundíu que Spiderman en un descampao…
-¿Por?
-Canté sin ganes, metime en chats, caí nel viciu de la respostería…
-Bueno, bah.
-Ye momento de parar y vivir pa dentro. Faceme preguntes.
-¿Preguntes?
-¿Soi matutinu o vespertinu?¿Fago lo que quiero o confórmome con lo que fago?
-Oye, pero..
-A partir de ya voi charrar conmigo mismu. Namás.
-Pero…
-Voi empezar a ser quien quiero ser, Velino.
-¿Cómo ye, ho?
-”Quiero estar solo, que nadie me hable, vivir mi vida como un péndulo en el aire…”
-¿Ángel González?
-¡No, coño, “Los Chichos”! Temazo.
-Ah.
-Siempre fuí de “Los Chichos”, Velino, llevé la rumba por dentro.
-Meca. Entós aquello de los conciertos…
-Postureo. Fice fotos con un libru pa paecer inteligente y con brócoli pa paecer veganu. Acabose. Voi quereme, decime coses que nunca me dije.
-¿Qué coses, ho?
-Mírome la barriga y digo: nun tas gordu, Richi, lo que tas ye doblemente buenu.
-Puf. Como sigamos así vamos acabar borrachos, abatidos…
-¡No, no! A batidos, no. Yo los batidos tómolos sin alcohol.
-¿Pero nun vas charrar con nadie, ho?
-No. Toi en pleno autoconocimientu. Tengo riñones que faen sumas y restas.
-¡Cálculos renales, Ricardo! Eso tienes que miralo.
-Toi en ello, conociéndome por dentro. Nun te llamo más, nun te paezca mal.
-Oye, pero..
-Nosotros, ya sabes, como el programa de Bertín: mi casa es la tuya.
-¿Cómo nun lo voi saber si me debes dos meses de alquiler?
-¡Ahora ta too parao!
-Ya, ya, pero del alquiler teníamos que hablar.
-Lo siento, ahora solo charro conmigo mismu.
-Ricardo, tenemos que hablar.
-Ya, ya. Llámote pa decite que nun te voi llamar más.