Juglares pandémicos
23/03/2022
Los límites del humor
05/04/2022
Show all
¿Y del pangolín volviste a saber algo?

Vivir es raro con los ojos cerrados.

-Acabase’l mundu, sálvennos por orden alfabéticu, y rompo a sudar porque toos me llaman Zinedine Zidane.

-Na, Tonio, eso ye normal.

-¡Uf! Llevo casi un mes sin pegar ojo.

-Claro: Crisis, guerres, estrés, ansiedá, la liga SmartBank…

-Coño, Lito, pero…

-Encima, col cambiu de hora…

-Toi acojonau, chico. 

-Teníes que veme a mí, en plena pandemia, andar de chigres con un pangolín.

-No jodas.

-¡Home vaaa! ¡Anda que nun fice yo espiches en Wuhan, con toles cepes y variantes, ahí, pim pam, pim pam!

-Puf.

-Agora ando como los precios, peles nubes, y nun tengo nin quesadillas.

-¡Pesadillas!

-Sí, bueno, ye que yo soñaba con comida. Pero cuando voi comprar, despierto porque la estantería ta vacía.

-¡La madre que lo parió, qué raro ye too!

-Vas tener que cuidar la higiene.

-¿Tas llamandome gochu?

-Del suañu, Toño. La higiene del suañu: acostate siempre a la misma hora, cenar poco, relajate…  

-Qué fácil ye dicilo.

-¿Duermes siesta?

-De cuatro hores, tolos díes.

-Meca. ¿Y cómo t’arreglas pa que nun te despierten los críos?

-Digo-yos: cuando me despierte limpiamos la casa. 

-Ay, amigo.

-Nun falla, nun faen nin un ruidu.

-Qué finu yes, cabrón.

-Hay siestes que cuando me levanto nun sé si mirar la hora o el calendario.

-Meca. ¿Entós cómo vas dormir de noche?

-Y encima, tanto leer periódicos y ver telediarios…

-Claro, animal, eso causate malestar emocional. 

-Ya, pero…

-Lo mejor son les películes.

-Na. Dicen que ye malo ver pantalles antes de dormir.

-Al contrario. Ayer vi “Aracnafobia” y apaeció una araña na mio cama. Güei voi ver una porno a ver qué pasa… ¿Oíste?

-¡Calla, ho! Tas como un venao.

-Mira, Tonio, yo va años tenía un montón de suaños.

-¿Y agora?

-Agora lo que tengo ye suañu y un montón d’años.

-Bah, Lito, siempre tas con pijadas. 

-La cosa ye soñar, ayuda a sobrellevar les perturbaciones de la vida cotidiana.

-La muyer diz que ronco, pero pamique sueño que soi una moto.

-Cojonudo. 

-¿Y del pangolín volviste a saber algo?

-Na. Ahora ya nun fago espiches en Wuhan. Ahora namás cerrar los güeyos, nel chigre andamos a cañonazos. Anda’l mundu revueltu.

-Sí. Y en esti país ya nun se concilia naide, ni el suañu.

Comentarios

comentarios