Viéndolo venir.
-¿Tiéneslo claro, Severino?
-No.
-Ni yo.
-Home, lo que tengo claro ye a quien no.
-Eso díceslo ahora.
-¿Por?
-Bah. Luego, empiecen a enredar, marean a ún.
-Ya, coño, pero a nuestra edá, nun nos van engañar.
-En mi casa ya tan enfadaos, Arsenio.
-¿Enfadaos?
-Sí, ho, entre ellos. Que si vienen los tuyos, que cuidadín con los nuestros…
-Menuda primavera nos espera.
-Dígotelo yo, la estación del amor.
-Bronca, xareu, crispación…
-Pero habrá que dir, ¿no?
-¡Home, si nun vas nun te pues quejar!
-Luego, por mucho que te quejes ye igual, ¿oíste?
-Ya, coño, pero tú ya me entiendes.
-El casu ye que andamos despistaos con la Semana Santa.
-¿Por?
-La muyer nun quier marchar, yo digoi que vote por correo…
-Pues el mi yerno diz que nun vota, que y-coincide con un concierto.
-¿De qué, ho?
-El Bob Dylan, que toca esi día en Gijón.
-¡Coime, da tiempu a too! Si quiés avanzar, hai que dir a votar.
-¿Avanzar pa ónde?
-¡Ay, amiguín, esa ye la cosa!
-Toos luchen por mejorar la vida de la gente.
-Sí, ho. Ye mui guapo decilo.
-¡Ojalá gane la sensatez!
-Ya. ¿Y esa de qué partio ye?
-Vamos quedar igual que tamos, verás.
-¿Paezte?
-¡Van tener que pactar! ¡Y otra vez el mismu rollu!
-Bueno, bueno. El casu ye nun volver p’atrás.
-Si nun vamos, ya sabes quién se va beneficiar…
-¡Vienen a salvanos, Severino!
-¿De qué, ho?
-No sé, pero tan empeñaos.
-Tres elecciones generales en poco más de tres años.
-Ya.
-Y el casu ye que detrás de unes vienen otres.
-Adelantaremos les del hogar del pensionista y la comunidad del portal.
-¿Por?
-¡Coime, pa dir calentando ya!
-Tamos italianizándonos, Arsenio.
-¿Por?
-Nun somos quien a pactar, dialogar, negociar…
-Ya. Nun se nos da, no.
-Toi viéndolo venir, dígotelo yo.
