Meteorosensibles.
-¿Qué faes, ho?
-¡A la mierda!
-¡No te tires, ho! ¡Que t’afuegas!
-Ya toi afogau, en un mar de datos.
-¿Cómo ye, ho?
-¡No tengo vida, Velino!
-¡No te tires, Lito! ¡Por favor!
-¡Lo que voi tirar ye’l móvil, cagonrós!
-Pero… ¿¿¿qué pasó???
-Esto ye un buzón laboral, abiertu 24 hores al día.
-¡Relaja, ho!
-Tanta tecnología, ¿pa qué val?
-Tranqui, Lito, tranqui…
-¡Namás que pa tener ansiedá! ¡Ansiedáaa!
-El teléfono date información, Litín, seguridá.
-Tamos empantallaos, Velino, ¡tol putu día entre algoritmos!
-Ah. Tú sabrás onde pares…
-¡Esti bichu quítanos libertá!
-Tranquilu, ho.
-¿Pa qué quiero yo tantos datos, tanta información?
-¡Venga, anda, cálmate ya!
-¡Déjame tirar el móvil a la mar, escapar de la jungla digital!
-Relaja, Litín, siempre que cambia el tiempu pásate igual.
-¿Eh?
-Tú yes de trastornos estacionales.
-Ya. Tol putu día en cercanías…
-No, Lito, no hablo de Renfe, refiérome a estaciones del añu.
-¿Que qué, ho?
-Yes meteorosensible, Lito. ¡Siempre te pasa igual!
-¿A mí?
-Sí. Yes como los fichajes de Torrecilla: no soportas la alta presión.
-¿La qué, ho?
-Esti aire, bobu, que vien del trópico…
-¡No me toques los coj…!
-¿Ves? ¡Poneste impaciente, impulsivu!
-¡No tengo vida, cagonmimacho!
-El cambiu de tiempu, la precampaña, el play-off…
-¿¿¿Eh???
-¡Calentósete la cabeza, Lito! ¡Juntósete too!
-Esti calorón no ye ni medio normal. ¡Tamos en febrero y mira qué plan!
-Ya lo sé, ho. Les elecciones, la primavera… ¡Adelantose too!
-No sé ónde me voi estrellar, Avelino, dígote la verdá.
-Selo yo, Lito, selo yo.
-A mi esti calorón…
-Afectate mucho emocionalmente. Yes meteorosensible, bobu.
-¡Voi tirar el móvil a cadiós!
-¿Pero qué te fizo el móvil, ho?
-¡Ansiedá, solo me produz ansiedá! ¡Toi hasta los coj…!
-No ye’l móvil, Lito. Son les altes presiones.
