Teoría de la estupidez
02/05/2023
Blanca Paloma
16/05/2023
Show all
Hai qu’intentalo, fía, que nun piensen que van ganando.

Entrenando el feedback facial.

-¿Tu crees que funciona?

-Que sí.

-Uf, nun sé yo…

-Hai qu’esforcianos en recuperar la sorrisa.

-Yá, porque lo que ye la cintura yá ta perdida. 

-Non, muyer, forzar una sorrisa ameyora l’ánimu.

-Sí, ho.

-El feedback facial, Marta Inés.

-¿El qué?

-Ye meyor dir pola vida con una sorrisa, fía.

-Home, si hubiera motivos…

-Siempres hai dalgunu, chica.

-¿Por casu?

-Nun sé, anque solo sía por xingar.

-Fía, Loli…

-¡Dientes, dientes! Tu como La Pantoja, boba.

-Ai, calla por Dios.

-Un xestu atentu, muyer.

-Nun sé yo… Paezco boba.

-Al contrariu. Déxalos, que piensen que te tán puteando. Nun te rindas, Martina, que se fastidien, que nun-yos gusta vete sonreir.

-Siéntome más rara qu’una culiebra con oreyes. 

-Sonríe, Marta, que ye reversible.

-¿Que ye qué, ho?

-Si pones el xestu acabes sintiendo la emoción.

-¿Quién lo dixo?

-La ciencia, fía. Yo ye lo que fago cada mañana pa lluchar contra quien me fae dañu.

-Pero, Loli, yo…

-Si pones el xestu… 

-Meca.

-Tou ye empezar.

-Oi… ¿Quiés creer que me siento meyor?

-¿Ves? La sorrisa produz endorfines, la hormona de la felicidá.

-Quítense-y a una les ganes.

-Na, boba. Solo hai que forzalo un poquitín.

-Nun soporto la sorrisa falsa, Loli.

-Tou ye empezar, depués la sorrisa acaba siendo de verdá.

-Ai, nun sé, fía, mira Paco’l de la panadería.

-¿Qué, ho?

-Tantu forzar la sorrisa de cara al públicu y acabó tirándose a la bebida.

-Yá, nun somos na. Pero si tienes una espresión más allegre…

-¿Tas segura?

-Que sí, Marta Inés, que lo acabes viendo tou en positivu.

-¡Uf!

-Hai qu’intentalo, fía, que nun piensen que van ganando.

-Ye cansao, eh. 

-Que non, yá vas ver. Vas flipar.

-¿Por?

-Si aguantes, Marta Inés, acabes riendo de verdá.

Comentarios

comentarios