Dientes
09/05/2023
Sálvanos
23/05/2023
Show all
-¡Orlegui, Pachuca, ponme televoto y nun me vendas la moto!

El voto del público.

-¿Qué, cuñáu, cómo te quedó’l cuerpu?

-Yá ves.

-Otru derbi ensin ganar, eh.

-¿Quién?

-Non te faigas el suecu.

-Ganamos.

-Que non te faigas el suecu, Chema.

-Siempre fui mui de Suecia, sabeslo tu.

-Sí, ho. Bueno, anda, polo menos distis la cara, compitióse.

-Yá, pero Europa nun ta prepará pa’l flamenco.

-¿Que qué, ho?

-Ni El Molinón pa ver crecer organismos vivos, fíjate lo que te digo.

-¿Qué, ho? ¡Menudu resacón que lleves, cuñáu! ¡Nun sabía que yeres eurofan!

-Ni yo. Pero hai díes que solo puedes refugiate nel festival de la canción.

-¿Por?  

-Dempués del chanelazo volvimos cayer en picáu, a la parte baxa de la tabla.

-Bueno, anda, pa l’añu que vien…

-Eso ye lo malo. ¿Acuerdaste de ”Quién maneja mi barca”?

-Sí, ho. Remedios Amaya. Cero puntos. ¿Por?

-Non te digo na y te lo digo too.

-¡Calla, ho! Vas ver pa la próxima campaña…

-Buo, cuñáu, tengo una motivación…

-¿Por?

-¿Acuerdaste de “Los Mismos”? 

-Sí, ho. Aquel grupu mexicanu, de música latina…

-Pos eso.

-¿Eso qué?

-Yo qué sé, cuñáu, yo qué sé ya. Una galbana, chaval. Nun tengo nin gracia pa picame contigo.

-Non ganais un derbi dende 2019, anda, tais guapos.

-Tampoco sois l’allegría de la güerta, eh.

-Oi, pa quedar percima… 

-Aburrimos a les piedres, unos y otros. 

-Colo bien que lo pasábemos naquellos derbis en primera…

-”El baúl de los recuerdos”.¡Qué grande Karina!

-Sí, ho. Con Karina taríamos en playoff.

-Diz que ta feliz, que lo dio tou y que nun entendieron l’apuesta de riesgu.

-¿Qué riesgu?  ¿Xugar con defensa de cinco, trés centrales…?

-¡Blanca Paloma, coño!

-Ah. 

-Diz qu’ella ta feliz porque lo dio tou.

-Puestu diecisiete, como MAR, verás. ¡Había que mandalu a él a Eurovisión!

-Permanencia asegurada, Chema. Per esi llau, tate tranquilo.

-¡El públicu, cuñáu!

-¿Qué, ho?

-Foi’l votu del públicu lo que mató a Blanca Paloma.

-Yá. Diéron-y cinco puntos namás. Los que nos quitó a nosotros el VAR.

-¿Ya tamos llorando, cuñáu?

-Teníen que ponelo n’El Molinón. Y n’El Tartiere.

-¿El qué, ho?

-El votu del públicu, como n’Eurovisión. Si hai VAR tien qu’haber televoto.

-Calla, ho.

-¡Orlegui, Pachuca, ponme televoto y nun me vendas la moto!

Comentarios

comentarios