A perru flacu, marcha “la Pulga”.
-¿Abandonau? ¿Cómo que te sientes abandonau?
-Leo…
-Faes bien, así garres vocabulario.
-¡Messi, joder! ¡Leo…! ¡Lionel!
-¿Que qué, ho?
-Acabase una era, Gentina.
-¡Ay madre! ¿Por?
-ERE, mascarilles, confinamientu… Y a perru flacu, marcha “la Pulga”.
-Gallina de piel… ¡jojojo!
-¡Vete a la mierda!
-¿Pero a ti paezte normal ponete así, a lloriquear? ¡Fanáticu!
-¡Messi ye Dios, Gentina!
-Tolos culés vos creéis dioses. Claro, como nadie vos pué ver… ¡Jojojo!
-No te rías, faltosa. Sabes que yo no creo en nada.
-¡Calla,ho! ¡Si tuviste a puntu de metete na iglesia maradoniana!
-¡¿Por qué nos faes esto, Lionel?! ¡¿Por qué?!
-¿Qué más te da, Arcadio? ¿Qué ye, que Messi date a ti de comer?
-¡634 goles, 276 asistencias…!
-Tampoco yera pa tanto, con él ficistéis el ridículo en Champions.
-¡Meeee! ¿Qué ye, ahora sabes tu de fútbol?
-Bueno, cuando cortejábamos, diba a vete destapinar los campos asturianos.
-¿Y vas comparame a mí con Leo?
-Oye, tamién teníes olfatu goleador.
-Sí, vidi, pero sin control. El únicu día que metí 4 goles empatamos 2-2.
-Yeras una fuerza de la naturaleza, Arcadio.
-¡Sí, ho! Pero nun m’entendía col entrenador.
-Ya. ¿Acuerdaste cuando te mandó facer dos tables y ficiste una de jamón y otra de quesu?
-Claro. Échome, el cabrón, por llegar pasau de pesu.
-Yeras igual que Messi, vidi, ¡Igual!
-Qué va. La mi familia yera tan probe que solo heredé la tendencia a engordar.
-Hasta el médicu te pidió que dejaras el fútbol.
-¡Pero yo nun taba enfermu, joder!
-Ya lo sé. Pero el médicu decía que viéndote xugar enfermaba él.
-Gentina, yeras tu mejor delantera que yo.
-¿Yo?
-Sí, por lo menos vendías delantales.
-¡Ay, nun digas pijaes! ¡Y olvídate de Messi, que ya tien 33 años!
-¿Y qué?
-Valíanos pal Sporting o pal Oviedo. Pero, claro, ¿a quién quites? ¡Jojojo!
-¡Tu sigue en plan faltosu y verás!
-¿Qué?
-El día menos pensao voi mandate un burofax.
-¡Ay fiu! ¿Qué ye, que tamién tas pensando en marchar?
-Bueno, toi buscando una salida amistosa.
-¿Qué lo dices por Isa? ¡Pues ya nun ta tan salida! Aquello fue un desliz, ya nun mira ni pa ti.
-Bueno, vamos dejalo ahí.
-Sí, sí, porque como me caliente hablando de Messi…
-¡Ye Dios, Gentina! ¡Mucha grandeza!
-¿Ah sí? ¡¡¡Pues que pague lo que debe a Hacienda!!!