Operación retorno… electoral.
-Acabase lo bueno, Severino.
-Dígotelo yo.
-Perezona, eh.
-Uf. Y ahora el rollu de siempre: nuevos propósitos, dietas, coleccionables…
-Y la vuelta al cole, eso ye lo peor.
-Pero si tú nun tienes ni fíos, ni nietos, ni…
-¡Qué más da!
-¡Coime! ¿Entós a ti la vuelta al cole cómo te…?
-¡Al otru, ho!
-¿Qué otru?
-El colegio electoral.
-Pero qué…
-Vete preparándote, Nicolás.
-Que no, coño, que no, que van arreglase ya.
-Sí, ho…
-Ya verás, arreglenlo al final.
-Dígote yo a ti que no.
-Que sí, ho. Tan dejando pasar el tiempu pa da-y emoción.
-Ya, ya. Entre tate quieta y ponte bien, la noche en blanco.
-Verás como a última hora tienden puentes y danse la mano.
-Tu vete comprando bolis y rotuladores…
-¿Pa qué, ho?
-Pa rellenar les papeletes, ¡la vuelta al cole!
-No jorobes.
-Aquí pasamos de les fiestes de prau a la fiesta de la democracia.
-No seas cenizu, Severino.
-¡Nadie se fía de nadie, Colás, cuéstanos negociar!
-Ye tremendo: votas, respiras aliviau, pasa el tiempu y acabes derrotau.
-Y vuelta a empezar. “Tamos en elecciones, disculpen las promesas”.
-¡Calla, calla! ¡Arreglaránse, ho!
-Tú vete preparando la muda limpia, Nicolás, que tócanos volver a votar.
-Sí, ho…
-Y cuidao que nun te llamen pa una mesa de presidente o de vocal.
-Calla, calla…
-El 10 de noviembre volvemos al cole, Colasín.
-¡Que no, coño, ya verás! Tan en ello. ¿Por qué crees que tarden tanto?
-¡Pa echase bien la culpa! ¡Pa ver quién la lleva! ¡Pa eso tan enredando!
-¿Cómo ye, ho?
-¡El relatu, Colás, el relatu! Ye too un paripé. Entre tate quieta y ponte bien…
-¡Se nos fue el verano, Severino! ¡Tamos guapos!
-Tempus fugit, Nicolás. Doblar la tumbona y volver al cole electoral.
-¡Tas estresándome! ¿Oíste?
-Ye lo que hai. La vida son cuatro días y tres tan en campaña.
-¿Ónde, ho?
-¡En campaña electoral, Nicolás!
-¡Tas levantándome dolor de cabeza, Seve!
-¿Yo? ¡Serán ellos, ho!
-Ya. Esos inútiles incapaces de llegar a acuerdos, de querer pactar.
-Despídete del verano, Nicolás. Arranca la “operación retorno electoral”.