2021, Planes de mutar.
-¿Qué tal, Lino? ¿Cómo tas?
-Flipando, como los demás.
-¿Entós?
-Ni siento ni padezco, chico.
-¿Qué ye, pol frío?
-Qué sé yo. Nun sé si enamorame o faceme un sandwich.
-¿Que qué, ho?
-La idea ye sentir algo nel estómago…
-¿Pero qué pasó?
-¿¿¿Paezte poco??? ¡Toi anestesiau, sin energia, sin ganes de ná!
-¿Por?
-¡Uf! Ya se me ta faciendo llargu.
-¿El qué, ho?
-Esti putu añu.
-¡Calla la boca, ho!
-Que si la Tercera Ola, que si lo del Capitolio, que si Filomena, que si la cepa…
-Y llevamos un par de semanes, namás.
-¡Por eso! ¿Qué va ser lo próximo? ¿Un meteorito? ¿El “Asturias, patria querida” en versión de Pitingo?
-Tranquilu, ho. Tienes que facer como yo.
-¿El qué?
-El reseteo. Soltar les emociones pa empezar de nuevo.
-¿Cómo ye, Chuso?
-¡Faeme casu, Lino! Tengo un plan: hai que mutar, como el virus.
-¿Mutar?
-Claro, amigu. Reinventase, cambiar…
-Puf. A estes altures…
-Tu pregúntate qué quies conseguir esti añu y fae una lista coles respuestes.
-¿Una lista?
-Claro. Como esta. ¿Ves? El poder de la escritura ye increíble.
-No fastidies.
-Sí, ho. Ponelo negro sobre blanco manda un mensaje al cerebro.
-¿Un mensaje? ¿De qué?
-De que ya empecé, de que toi en ello.
-¿Empezaste a qué? ¿A cumplir deseos?
-No, a rascame los güevos. Pero, oye, polo menos toi más animau.
-¿Faes dieta, Chuso, o no?
-Sí, ho. La dieta de la fe. Como de too y espero un milagru.
-Ah. ¿Y la tu muyer?
-Acabó el roscón de Reyes y empezó la dieta de la luna.
-¿Y tá más delgá?
-No, más redonda. Andamos a base de cerveza, que vien a ser como una ensalá.
-¿La cerveza?
-Sí, ho.Ye lúpulo, cebá… Son plantes. ¡Como una ensalá!
-Ah, coño. Pues lleváis buen camín pa mutar, sí.
-¡Ahí tamos, ya te digo! ¡Vamos cola lista a tolos sitios!
-Yes tremendu, Chuso.
-Ojo, cualquier día vesme pasar y nun me conoces.
-¿Pola mascarilla?
-No, porque tengo mucha fuerza de voluntá, y cuando me da por mutar…
-Tamos a un par de mosqueos d’echar el 2020 de menos.
-¡Hai que mutar, que llevamos un par de semanes, namás!