Tira que libras.
-Nun te veo yo mui animau.
-Nun me fagas hablar.
-Bah. Pues pa dir así…
-¿Qué, ho?
-Juntase cola familia pa tar focicón…
-¡Ye una temeridá, Mariamor!
-¡Ay madre! ¿Por?
-Tira que libras…
-¡Calla, ho! Illa y Barbón ya nos dieron la hoja de ruta.
-Sí, quedanos en casa.
-¡Qué va! Tener prudencia, responsabilidá.
-¡Nun me fagas hablar!
-Dos unidaes familiares con un máximo de 6 persones. ¿Ónde ta’l problema?
-Si solo hubiera un problema…
-¿Que qué, ho?
-¿Pienses que tu pá y tu má van poner la mascarilla tamién en interior?
-¡A mi pá aviselu yo! Pero el probe ye tan mayor…
-¡Por eso, coño! Hai que protegelos. A los dos.
-Pa eso ficimos los test, vida. ¡Dimos negativo! ¡Tamos bien!
-¿Y los demás?
-¿Qué?
-¿Quién me garantiza que la tu hermana y el tu cuñau…?
-¿Qué tas diciendo, Josemiguel?
-¿Por qué nun ficieron ellos test? ¡Ellos nun faen prueba ninguna porque nun y-os sal de los cojo…!
-¡Jose, por favor!
-Y tu má con decir «a nosotros nun nos va pasar ná»…
-Probes.
-¡Como si la cosa nun fuera con ellos!
-Bueno, oye, teniendo cuidadín…
-¿Qué, ho?
-Manteniendo la distancia y permaneciendo sentau…
-¡El tu sobrín con una copina de cava nun calla, ye un surtidor de gotículas!
-Vaya, ho.
-¿Y el hermanu? ¿Tu veslu poniendo mascarilla entre platu y platu?
-Ya tan avisaos, Josemiguel. Distancia y ventilar el comedor.
-Sí, ho. Conociendo a la madre, ya tenemos follón.
-¿Por?
-Nun querrá ni abrir la ventana ni renunciar a la bandeja del turrón.
-Avisela yo, que nun se pué poner bandeja con alimentos pa compartir.
-¿Y el marido? ¿Vas amordazalu pa que nun cante villancicos?
-¡Ay Jose, por Dios!
-¿O qué piensas facer? ¿Huir al tercer chupito?
-¡Ya ta bien, Josemiguel! ¿Metiste la caja de polvorones?
-¡Déjate de polvorones, Mari! ¡Aerosoles, aerosoles!
-¿Qué, ho?
-¡Las partículas víricas queden flotando nel aire! ¿Oíste?
-¡Yo tengo necesidá de tar con ellos! ¿Entiéndeslo?
-Puf. Nun me fagas hablar.
-¿Qué? El añu pasau tocome aguantar a los tuyos. Y nun dije ná.
-¡Pero esto ye una pandemia, Mariamor!
-Bah. Anímate, cielo.
-¿Yo?
-Juntase cola familia pa tar focicón…