Singles en campaña.
-Normal, Quilino.
-Ya, pero…
-El amor románticu siempre ye efímeru.
-Yo acariciaba los trípticos, Ernesto, tiraba besinos a los mupis…
-¡Yes mui enamoradizu!
-Tengo un vacío…
-Tranqui, ho.
-Soñaba con pancartas, contaba los minutos pa dir a una asamblea…
-Al principio ye too mui guapo.
-Si el corazón se aburre de querer, pa qué sirve.
-¡Bah, bah! ¡La luna de miel son dos Telediarios!
-Ya, Ernesto, ya. Pero yo taba onde quería tar.
-Normal, Quilino. ¡El hechizu desaparez de repente!
-Ye verdá. Un buen día pones el Telediario y piensas: ¡Ya tá! ¡El Síndrome!
-¿Qué síndrome?
-Estrés Post Romántico.
-¿El qué, ho?
-Lo que vien siendo me la pela, operaivos. O sea, el declive del amor romántico.
-Ya, ya.
-El romance que tuviste va decayendo.Ya nun hai lazos sólidos, duraderos.
-Claro.
-Oyeslos hablar y flipas.
-Ya, bobu, perdiose el embrujo del comienzo.
-Promesas incumplidas, pactos que nun fueron, rollos patateros…
-Ye lo que hai, Quilo.
-Y acuérdaste del ímpetu de antes, tus disputas en los bares…
-Normal. En los estaos pasionales…
-Perdí la conexión, Néstor, la emoción nun ye la misma.
-Claro. Nun ye tan idílico como paecía en los inicios.
-¡Taba tan convenciu, tan comprometíu…!
-La vida, Quilino.
-Aquellas ideas tan seductoras, aquella pasión de los comienzos…
-Bueno, venga, bueno…
-La cita con la urna yera casi un encuentro eróticu.
-¡Calla, ho!
-No la metías por meter, no, ¡metiasla con amor!
-Vaya por Dios…
-Y ahora, cagonlamar… Ni tengo pareja estable ni cuerpo simpatizante.
-¡Vente arriba, Quilino!
-Ye ver una pegatina y entrame revoltura.
-Hai que pasar el duelo, la vida ye…
-Sientome vacíu, Néstor, sin compromisu afectivu.
-¿Vas ver el debate?
-Uf. Pereza…
-¡Ánimo, ho! ¡Igual vuelves a enamorate!