El chigre y las discrepancias. Dos no se entienden si uno no quiere.
-¿Entós?
-Tábemos en grupo, nublóseme la vista y estalló la tormenta.
-¿De idees?
-No, de hosties.
-¿Otra vez? ¡Lo vuestro ye un casu!
-N´esti chigre nun hai cultura de diálogo. Lo que yo te diga.
-¿Qué ye, que nun pues discrepar sin enfrentate?
-Nun soi yo. ¡Ye´l efecto péndulo!
-¿El qué ho?
-Pasamos de la paz a la guerra sin puntu intermediu.
-¿Por?
-Qué se yo. Hai gente con gana llevales…
-¿Nun vos dais cuenta que la discusión ayuda al crecimientu?
-Preguntailo a Tonio.
-¿Por?
-Ya y-creció la cara, ¡tienla toa hinchá!
-Pa mí que tais gestionando mal la discrepancia.
-Ta to mui revuelto, esto ye un polvorín…
-Tienes que trabayar la escucha, Prudencio.
-¿La qué ho?
-Cuéstate muncho respetar, Pruden.
-¿A quién ho?
-Los puntos de vista de los demás.
-¡Meeeee! Ya empezamos…
-Lo que nun se pué ye imponer les idees a la fuerza.
-¿A mí qué me dices?
-Hai que facer critiques constructives, ¿oíste?
-Sí ho…
-La discrepancia nun ye dañina, ye deseable. Ahora bien…
-¿Qué?
-Hai una línea roxa que nun debemos cruzar.
-¿Cuál?
-El juiciu personal.
-¡Déjame de rollos!
-En cuanto el otru se siente atacau, ¡ya nun hai tu tía!
-¿Quién yes tú pa dame lecciones?
-¿Ves? Ya se jodió.
-¿Qué?
-Ya tas a la defensiva.
-¿Yo?
-Sí. Ya empieces a rechupar el palillo, a mirar torcio, a…
-¡¡¡Calla, cascante, que tola vida fuiste un cascante!!!
-…Y saques a la luz sentimientos escondíos…
-¿Quiés callar, babayu? ¿¿¿qué vas enseñame tu a mí ho???
– ¡Cuidao, que tas teniendo una reacción emocional!
-Lo que voi tener ye que date un par de hosties.
-¿A mí?
-¡¡¡Sí, por listu, que vas de listu!!!
-¿Ves? Empezamos a contrastar opiniones y acabes con una patá en..
-¡Meca! ¡Ya lo toi sintiendo!
-¿El qué ho?
-¡El efecto péndulo! ¡Agarraime, que lu mato!
-Para ho. ¿Pactamos?
-¡Que lu mato, agarraimeeee!
-Prudencio, que te ciegas…
