Veroño y miedo crónico.
-¡Qué calor, qué agobio, qué depresión!
-¿Qué ye, ho?
-¡Vamos morrer toos!
-Bah. Menuda novedá…
-¿Tú nun tienes miedo a un desastre inminente, Jose Vicente?
-Uf. De fútbol ni me hables…
-Háblote de crisis oceánica, pérdida de paisajes, extinción de especies…
-Tranqui, ho…
-Y esti calor, esti puñeteru calor…
-Veranín de San Miguel, Marigel.
-Sí, ho…
-Veroño, mi amor, siempre existió.
-La gran tragedia del cambiu climáticu. Ya nun hai vuelta atrás.
-Na…
-¿Cómo que na? ¿Yes negacionista, ho?
-No, de Rioturbio. Pero nun me como tanto la cabeza.
-Ah. ¿No yes consciente de la destrucción medioambiental?
-Pa un día que toi de descanso y nun tengo que trabayar…
-¿Y nun te horroriza el futuro del planeta?
-Lo que más me jode ye pagar autónomos, la verdá. ¿Probaste la empaná?
-Qué va. Tengo un nudu nel estómago.
-¡Vaya, ho! Traigote al prau con una tortillina, empaná, vino curiosu…
-Sí. Y dos vasos de plástico, tenedores y cuchillos de plástico, fruta en un recipiente de plástico…
-Qué más da, ho.
-¿Sabes cuántas tortugas marinas muerren atrapaes en desperdicios de plástico?
-¡Mecagonla…!
-Josevi, vivimos en una peligrosa cuenta atrás.
-Pues la tortilla saliome cojonuda.
-Vamos tener que renunciar a volar, a comer carne, a coger el coche…
-De follar ni hablamos, ¿no?
-¿¿¿Qué???
-¡Cagonrós, Marigel! Prepárote un picnic románticu, un prau solitariu, una tarde preciosa, aquí solinos, tu y yo namás…
-¿Sabes lo que aumentó el nivel del mar?
-Vaya, ho.
-¡Ye catastrófico, Vicentín, desolador! ¡Nun hai futuro!
-Por eso te digo.
-¿Eh?
-Aprovecha, cuca, que tas aquí solina conmigo…
-Faltame aire, toi sudando en frío.
-¿Quiés entrar en la cuadra?
-No. Voi entrar en pánico.
-La empaná ye de hojaldre, ni la probaste.
-¿Tú vas al mercao con bolsas reutilizables?
-¡Relájate, ne! ¡Disfruta de la naturaleza, ho!
-¿Y la deforestación de la Amazonía?
-Tamos guapos…
-Ya. Lo primero ye reducir tu huella de carbono.
-Y yo que quería un picnic eróticu…
-Poca broma, Jose Vicente. El CO2 en la atmósfera sigue aumentando…
-Come y calla, vida, que me toi acojonando.