El derecho a la fantasía.
-Sientome raru, Pili.
-Pe. Pues llamame Pe.
-Pero…
-No, Pe. Así, a seques. Pe.
-Puf. A mí esto de…
-Ye Antroxu, vida. Dixisti que podía cumplir mi fantasía.
-¿Nun te paez descabellao?
-Na. Pola calva nun te preocupes. Me pones a mil.
-¿Quién? ¿Yo o la careta de Bardem?
-¡Chissst! ¡Disfruta, ho!
-Cagonrós, tengo el síndrome del impostor.
-¿Por?
-Tas hablándome de “Jamón, Jamón” y el prota nun soi yo.
-Disfruta tu rol, cojona, sal un poco de la zona de confort.
-¿Ónde, ho?
-¿Nun querías una noche especial?
-Sí, home. Pero a mí con algo de Netflix y unos frixuelos ya me valía.
-¡Acción, acción!
-¿Eh?
-Les fantasíes erótiques enriquecen la vida sexual, Javier.
-Pili, vamos a ver, que yo nun me llamo ja…
-Pe, llámame Pe. Y déjate llevar. La cosa ye salir de la rutina.
-Con esta pinta…
-Hai que ser creativos.
-No, si yo…
-La chispa, la cosa ye recuperar la chispa.
-Ta dándome sueñu.
-Yes tan atractivu. Guapifeu, fofisanu, duru pero blandu…
-Na, tengo días, eh. ¿Qué hora ye?
-Les tres de la mañana.
-¿Ves? Tardísimo.
-Pues haber preguntao antes. Ahora, guapetón, vamos a rodar.
-Vamos mancanos.
-¿Por?
-Fae tanto que…
-Uf. Llevaba tantísimu tiempu esperando esti momento…
-¡Nunca te vi tan encendía!
-Taba claro que acabaríamos acostándonos.
-Sí, en pasando de les doce, soi de dir pala cama, ya te digo.
-Vi toles tus películes.
-Ta picándome la oreya. Entre la careta y les mascarilles…
-Te deseo.
-Faes bien, como tien que ser. ¿Apagamos la luz?
-Ni de coña. Con esti desasosiego…
-¿Que qué, ho?
-Volcanes, pandemias, guerras… ¿Qué ye, que nun pueo dame una alegría?
-Duelme la cabeza, Pilina.
-Pe, cojona, llámame Pe.
-¿Qué?
-¡Llámame Pe y calla de una puñetera vez!