El boom de la generación plateada.
-Date permisu, Sagrario, faeme casu.
-¡Puf! A estes altures…
-Resetea, muyer, abre la mente.
-Sí, ho. Ni que fuéramos vieyes verdes.
-¡Sexis! ¡Güelas sexis, cuidao!
-¿Cómo ye, ho?
-La tecnología ye un arma de seducción. ¡Voi ponete unos filtros!
-¿Que qué, ho?
-Con esi pelo cardao y unos filtros vas incendiar instagram.
-¡Eso ye pa guajes, Visitina!
-Que no, boba, que no. A mí cambióme la vida el smartphone.
-¿Quién, ho?
-La digitalización, Sagra. Soi activa en les redes, toi a la que salta. Tu míralo por el lau buenu: teníes un marido tuntu y ahora tienes un teléfono inteligente.
-Lo que nun tengo ye gracia.
-Qué más da. Imagínate Arévalo y Bertín… La madurez cotiza, faeme casu.
-Sí, ho.
-Nun yes vieya más tiempu, boba, yes jóven más años.
-¿Qué me dices, Visitina?
-Vives una segunda adolescencia pero con más experiencia. ¿Oíste?
-¡Ay, calla! ¡Yo veome vieya!
-¡Silver, Sagra! Somos Silver, cojona, los jóvenes adultos.
-¿Eh?
-Con los fíos criaos, con energía, disfruto de la vida. Recuperé la mi agenda.
-¡Ay madre! ¿Ónde la tenías?
-Ye una forma de hablar, fía.Yo antes tomaba sidra y tortos, ahora soi más de consumir ocio.
-¿Qué, ho?
-Nueves experiencies, viajes interminables, sin prisa…
-¡Pues vete a Collanzo en Feve! ¡Flipas!
-No, boba. Háblote de conocer otru mundo, explorar…
-Ah.
-Antes diba mucho pa Sama, ahora tiro pa Europa.
-Calla, ho.
-Sí, fia. Mucho aguantamos, eh. Ahora, a vivir la vida. Y en cuanto pase lo del retrovirus, garro un Alsa y plantome en Asia.
-Qué exótica yes, Visita.
-Con esto, boba, pues coquetear en pijama, sin depilar, ni arreglate ni na.
-Buena gana tengo de ligar con gente de lejos.
-No. Mira, aquí tieneslo too. Maduritos de Sotrondio, mismamente. ¿Ves?
-¿Eh?
-Aquí te vien. Y por apellidos, si quies.
-A ver. ¡Mecagonla…! ¡Esi ye’l mi cuñau! ¡El marido la mi hermana!
-Pues aquí diz que busca compañía pa…
-¡Taqueluparió…! ¡Zamarro! Míralu, depués de vieyu…
-No ye vieyu, Sagrario, ye Silver.
-¡Zamarro…!
-Date permisu, Sagrario, faeme casu. Una ruptura nun ye un fracasu.
-Bah.
-Ye una nueva oportunidá pa volver a ser feliz.