Tentaciones.
-¿Pero por qué te mosqueas, Marijose? ¡No lo entiendo!
-Porque yes propensu, Fer.
-¿A qué ho?
-Tas más salidu que los ojos de Özil.
-Yo sólo dije que la rapaza ta mui buena y ye mui guapa.
-Ya, ya.
-¿Qué ye, que nun pueo opinar?
-Una cosa ye opinar y otra no dejar de mirar.
-¿Qué ye, que nun miras tú al camarero?
-Pero lo mío ye normal.
-¿Por?
-¡Coime, haz tres cuartos de hora que y-pedí el Trina y…!
-¿Por qué nun pruebas a llamalu en vez de mirai el culo?
-¡Mira, Fer, haz el favor!
-Yes tú, Marijose, la que se pon rara en verano.
-¿Yo?
-Sí. Paez que te molesta que me ría y sea amable con les moces.
-Será con les demás.
-¿Por?
-Conmigo tienes menos detalles que un Seat Panda.
-Bah, Mari, la nuestra relación ya ta mui consolidá y hai confianza, ¿no?
-Tenías que facer turismo ecológico.
-¿Yo? ¿Por?
-¡Porque yes un vieyu verde!
-Bueno, bueno… Tan vieyu nun soi.
-Llevamos casi una hora sentaos en la terraza y…
-¿Qué ho?
-¡¡¡Que nun pares quietu, paeces un perru caza!!!
-¿Y tú? ¿Qué crees que nun me doi cuenta de que tamién se te va la vista pa…?
-Yo miro los cuerpos esculturales pero de otra manera.
-Sí ho.
-¡A ti se te cae la baba, Fer!
-Ye igual, tengo más.
-Déjate pijaes, eh. O sea, tas dando una imagen patética.
-Ye lo que hai, Mari. Más calor, más hores de luz…
-¿Qué qué ho?
-Quitamos ropa, mostramos más cuerpo y tamos más tentaos por el deseo.
-Dime la verdá, Fer. ¿Tú serías capaz d’engañame?
-¡Qué va ho! Yo siempre voi de frente, sabeslo tú.
-Ya, pero…
-Y si te digo que fuí a la Semana Negra a comprar libros ye que fuí a comprar libros.
-¿Qué libros? ¿Ónde tan?
-Y si te digo que los perdí ye que los perdí.
-Ya, pero…
-¿Qué ye, que desconfías de mí?
-No, pero…
-¿Qué ho?
-Tantu calor, tanta playa, tanta fiesta veraniega…
-Yo que tú, Marijose, cogía el críu y marchaba pa La Bañeza.
-¡Quiés perdeme de vista, eh! ¡Cabronazu yes!
-¿Pero por qué te mosqueas, Mari? Tolos veranos igual. ¡No lo entiendo!
-Porque yes propensu, Fer. ¡Yes propensu!