Un diario de tirada nacional ofrece la colección “Los años del NO-DO”
-¿Qué lleves ahí, Lolín?
-El “Abc”, ¿no lu ves?
-¿Y en esa mano?
-Ah. Esto ye la primera entrega del No-do.
-¿El qué ho?
-Ya tardaban, ¿oíste? Tenía yo unes ganes…
-¿De qué?
-¡Coime, de que volvieran a sacar el míticu noticiario!
-¿Pa qué ho?
-¡Pa dir mentalizándonos!
-¿Qué dices?
-Voi corriendo a casa a ponelu antes de que empiece la película.
-¿Por?
-¡Coime, pa celebrar la suerte que tengo de vivir nesti país tan soleau!
-¿Soleau? ¡Si nun para de llover!
-Eso paeztelo a ti.
-¿Pero nun ves lo deprimida que ta la gente?
-Anda, calla. ¡El pesimismo ta en retirada!
-¿Quién lo dijo?
-¡Rajoy! ¿No lu oíste? ¡Tamos caminando en la buena dirección!
-Sí ho. Con seis millones de paraos y…
-Bah.
-¡El país ta poniéndose gris, Lolín!
-Que no, Arturín, nun ye que tea gris, ¡ye que tamos volviendo al blanco y negro!
-¡Cagonrós! ¿Y el technicolor?
-¡Eso pa los ricos, namás! Educación, Cultura, Sanidad…
-¿Entós qué ye? ¿Volvemos p’atrás?
-Tamos en vías de subdesarrollo, Arturo. ¡Y vamos como motos!
-Ya. Ahora les pensiones, las becas, la ley del aborto…
-¿Qué será lo próximo, la de vagos y maleantes?
-¡Calla ho! ¡Exagerau yes!
-Yo, de momento, voi mirar el Nodo pa poneme al día.
-Les copes del Madrí, el gol de Marcelino…
-¡Ah! Los éxitos deportivos, el triunfo de la voluntá…
-Les cosines de la sección femenina, la beneficencia de las damas de la alta sociedá…
-Respígome enteru, ¿oíste?
-Normal. Al aumentar la pobreza tendrá que crecer la caridá.
-Ya lo dijo el nuevu obispo auxiliar: “Mis mejores amigos serán los pobres”.
-¡Meca, a ver si va ser en el feisbu…!
-¡Calla ho, qué desconfiau yes! Nótase que pirabas religión.
-Ya. Menos mal que ahora va tomase la asignatura en serio, ¡como tien que ser!
-Vuelve too, compañeru.
-Los Chiripitiflaúticos, la Carta de Ajuste…
-¿Qué carta ho?
-¿A ti no te llegó? ¡Que hai otru ajuste de plantilla, a tomar pol sacu toos!
-¡Ay, la madre que me parió! Y luego diz el otru que vamos en la buena dirección…
-Ye lo que hai, ¡vete sacando la trenka!
-¿Pa qué ho?
-¡Pa dir en agosto a “la Fiesta de la Cultura”, en la carbayera los Maizales!
-Déjame de fiestes.
-¡Verás qué pronto habrá Festivales de la Marca España con danzas regionales!
-Inauguración de pantanos, homenaje a los más listos de la clase…
-…Y las buenas acciones de los buenos patriotas.
-¡Aúuu, aúuuu!
-¿Por qué aúllas, Lolo?
-¡El Nodo!, ¡que vien el Nodo!