Vacaciones con ruido de fondo.
-¿Qué tal de vacaciones?
-¡Unas películas, Lolo, waaaaaaa…!
-¿Entós?
-Luchas, conquistas, centuriones, reconquistas, traiciones, gritos, empujones…
-¿Viste “Ben-Hur”, ho?
-No,home, no.
-¿”Gladiator”?
-Tampoco.
-“¿Quo vadis?”, ¿“Espartaco”?
-¡Qué va, qué va! ¡La campaña electoral!
-Ah. Ya.
-¡Puf! ¡Anden crucificándose unos a otros!
-Normal, bobu, ya sabes.
-Vienense arriba y sal el Charlton Heston que llevan dentro.
-Un mítin de Semana Santa ye como ver en bucle “La pasión de Cristo” y “Los diez mandamientos”.
-Talmente. ¿Oíste?
-Onde tea un debate a cuatro que se quite la carrera de cuadrigas.
-¡Home va! ¿Ónde va a parar?
-Y caún cuéntate la película a su manera.
-Ya. Yo, tando buen tiempu, ni miro pa ello.
-Pues hai veces que ta entretenío.
-¡Sí, sí! ¡Monten unos cirios…!
-A mí, si te digo la verdá, tan faciéndome la Pascua.
-¿Por?
-Soi creyente, Ricardo, pero en los políticos nun creo.
-Ya.
-¡Ye too ruidu! ¡Namás!
-Semana Santa ye pa reflexionar. Pero no lo ponen fácil, no.
-Salen toos en procesión en busca del votu y…
-La papeleta ye pa nosotros.
-Dígotelo yo.
-Faise raro consumir tanta propaganda en plena conmemoración cristiana.
-¡Qué cruz, Ricardo, qué cruz!
-Traten de movilizar a los suyos y lo que tan ye liando a los demás.
-¿Por?
-Anoche pillé a la mi vecina cantando una saeta a un mupi de Sánchez.
-Yo tengo visto a nazarenos debatiendo y tuiteando con capirote.
-Normal. Tando en campaña…
-Un Paso palante, un Paso patrás…
-¿A ti diote tiempu a descansar?
-Bueno, lo único el ruidu, ya te digo.
-Pues va vaganos, ¿oíste?
-Na, ya queda poco pa les elecciones.
-Ya, coño, pero depués vienen otres.
-¡Meca, ye verdá!
-Bueno, anda, habrá que soportar el ruidu, pensalo bien, y dir a votar.
-Habrá, habrá…
