Buenas vibraciones
-¿Quién fue?
-…
-¡¡¡Tais sordas ho!!! ¿Quién fue?
-El amigu invisible, ne.
-¡La madre que vos sibló!
-¡Coime, Sagrario, qué mal tomá yes!
-¿Y qué fago yo con esto ho?
-¡Coime, Sagra! ¿Hai que explicátelo too?
-Paez un monstruo de dos cabeces…
-Diz que tien tres velocidades.
-¡Ay! ¿Y tú cómo lo sabes?
-Toi fartuca de velo en… documentales.
-¡Ay madre!
-Ye mui agradable al tacto, la verdá.
-Sí ho. Y seguro que tien buena conversación.
-Ni riñe, ni grita, ni te pon los cuer…
-¡Conchitina, haz el favor! ¡Valió, eh! ¡Valió!
-Ay, fía, qué mal tomá yes.
-Ya, boba. Con les poques alegríes que llevamos y la pinta que tien el 20-D…
-¿Qué?
-¡Coime, Sagra, que como no se de una un puquiñín de placer…!
-¿Placer con esto, ne?
-Espíritu navideño, boba. O como se llame esti bichu.
-Manolito, pues llamalu Manolito.
-O Marcelo, como el ángel de la guarda del ministro.
-¡Meca, ye verdá! El tema ye saber aparcar.
-Qué poca vergüenza tenéis, en serio vos lo digo.
-Sagrario…
-Pal añu que vien no contéis conmigo.
-Hija, ¿por?
-P’andar regalando gochaes…
-¡Un juguetín, boba! Pa descargar tensiones.
-Verás, fía, que buenes vibraciones.
-¿Ya vien con la pila ho?
-¿¿¿Y por qué a mí??? A ver. ¿¿¿Y por qué yo???
-Relájate, muyer…
-¿Quién coño ye’l amigu invisible? A ver. ¿Quién me lu regaló?
-Tu igual preferías una docena de casadiellas, ¿no?
-¿Tais queriendo decime algo? ¿Ye una indirecta?
-¡Ye un puntazu! Con perdón…
-Sagrario, hai juegos mucho más íntimos que la brisca.
-¡Ja! ¡Toi fija de que ye un regalu en clave política!
-¡Ay, fía, qué retorcía yes!
-¿Qué ye, que no lu quiés? ¿Eh? ¿No lu quiés?
-Ay, no sé…
-Contigo, Sagrario, en serio, con ilusión…
-¿Quién fue ho? ¿Quién me lu regaló?