Semana rara.
-¿Qué toi faciendo con mi vida?
-¡Venga, Joseluis, cagonrós!
-Tas aburriu y nadie te habla, tas ocupau y quier hablate todiós.
-¿Qué qué ho?
-Déjame reflexionar…
-Otru día, Josín, que tengo que cerrar.
-Tengo lo que nun quiero y quiero lo que nun tengo.
-Tamos arreglaos…
-Cuando te quieren nun quies y cuando quies nun te quieren…
-¡Venga ho!
-Cuando se quier nun se pué y…
-¡¿Quiés beber esi culete d’una puta vez?!
-Cuando tas solteru solo ves parejas felices, ¿nun ye verdá?
-Será.
-Y cuando tas en una relación solo ves solteros felices. ¿O no?
-¡Qué se yo!
-Extrañes lo que tuviste y nun aprecies lo que tienes…
-¡Bebe ho!
-Necesites lo que nun te fai falta y…
-¡Siempre tas igual! A la sexta botella de sidra vuelveste inconformista.
-El mundu nun ta fechu a mi medida.
-Y dale.
-A veces miro la gente y pienso: ¿en serio? ¿esi fue el espermatozide que ganó?
-¡Calla ho!
-¿Y el oveya de Trump con el control del maletín nuclear?
-Ye lo que hai.
-Algo tamos faciendo mal.
-Sí. Tu tocáme los güevos a la hora cerrar…
-Cuando fai frío buscamos el calor y cuando fai calor…
-¿Cómo ye lo tuyo, Joseluis?
-No sé. Sientome más gordu, más feu, ¿qué tengo?
-Razón. Tienes tola razón. ¡Pero bebe y pírate ho!
-¿Por qué, si comemos lo mismo, yo soi gordu y tu yes flacu?
-La constitución, Josín, la constitución.
-¿Qué artículo ye? ¿Ónde lo pon?
-Caun ye caun.
-Y k-2 una piragua.
-¡Hala, venga, ya valió!
-La vida nun ye Fitur, ¿oíste? Los folletos nun dan la felicidá.
-¡Venga ho, cagonlamar!
-La vida ye saber aguantar el paragües cuando llueve…
-Págame ya, que tengo que cerrar.
-¿Contabilidá extracontable o ésto cómo va?
-¡Venga, Josín, deja de vacilar!
-Tengo más problemas que un libru de matemáticas.
-¡Y los demás!
-Por eso.
-¿Qué ho?
-Despacín, déjame rellenar con sidra esti vacio existencial.