Antroxu en casa
16/02/2021
Show all
«Tas viniendote mui arriba, guapina»

Sin restricciones.

-¿Nun quiés dir a Llaviana, Marisé?

-No. Yo voi a Marte.

-Y yo a ti, muyer.

-¡Pa siempre!

-Di que sí, Marisé. ¡Como tien que ser!

-Nun lo pillasti.

-¿Qué?

-¡Que me piro, Tonio! Tienesme constreñida, dígotelo como lo siento. 

-Pero…

-¡Uf! Paselo fatal nel confinamiento. ¿Llevaré algo d’entretiempu?

-¿A mí qué me dices? 

-Tienes que sabelo. Los homes sois de Marte, les muyeres somos de Venus.

-¿Que qué, ho?

-Ta medio vacío, nun llevo fociqueru.

-¿Pero qué me tás contanto?

-Ye la única salida que veo. Ye mui guapo, rollu Lanzarote, pero sin guiris.

-¿Quién lo dijo?

-El “rover”.

-¿Qué Robert, el camarero?

-No, coño, el “Perseverance”.

-¿Quién, ho?

-Mira, Tonio. Vamos danos un tiempu, usar la tecnología pa salvar lo nuestro.

-Tas viniendote mui arriba, guapina.

-¡Y más que voi dir, guapín!

-¡A vosotres danvos un puquiñín de movilidá y halaaaaaaa…!

-¿Qué?

-Coño, Mari.  Una cosa ye saltar el cierre perimetral, dexar de tar en alerta 4+, y otra…

-Lo que yo fago: ¡escapar de la gravedá!

-¿Qué, ho?

-En Marte, seguro que nun ye too tan grave.

-¿Tu qué sabes?

-Oye, por probar… 

-¿Pero qué cojona quiés probar?

-El auténticu planeta roju. ¡Vivir sin facherío, en libertá!

-¡Ai, Marisé, tú tás mui mal! ¡Pero fatal, eh, fatal!

-¿Y los demás?

-¿Qué, ho?

-Son tiempos revueltos, Tonio. Equí ya nun hai quien pare.

-¡Aguanta, Mari! ¡Tamos aplanando la curva!

-Yes robóticu y de la cuenca, Tonio. Y yo ya nun sé ni quién soi.

-Yo quiérote, Marisé.

-Mira, Tonín…

-¡¡¡Quiero desescalar xunto a ti!!!

-¿Pa qué? ¿Pa terminar riñendo como en fase 2 y fase 3? ¿Pa romper en la ola que vién?

-Ya nun habrá más oles, vida.

-Sí, ho. ¡Qué fácil lo ves too!

-Yo aguanto, Marisé. ¿Oíste, ho?

-¡La que nun aguanta soi yo!

Comentarios

comentarios