El arenal y sus lindes.
-¡Oiga!
-Ya ta liada…
-¿Qué fae usté ahí?
-…Sube la marea y hai la de mi madre.
-¿No ve usté que esi ye mi sitiu?
-¿Quién lo dijo? ¡Yo nun vi a nadie!
-¿Y la marca? ¿Nun viste la marca, ho?
-Qué marca ni qué…
-¡Acutao! ¿No lo ves? ¿Nun ves esti recuadru pintau en la arena?
-Aquí nun había nadie.
-¿Y qué? ¡Téngolo parcelao!
-¿Que qué, ho?
-Respete la mi parcelina. ¡Ta acutao, hágame’l favor!
-¿Cómo ye, ho?
-Que respete la linde.
-¿Qué linde ni que mi madre? ¿Usté cree que ye una finca, que la playa ye suya?
-¡Home, yo llegué antes!
-Ya. ¿Y ónde taba?
-¿El qué?
-¡Usté! ¿Onde taba usté cuando yo llegué?
-¿Qué cojones te importa? ¡Dejé ahí la toalla! ¿Tampoco la ves?
-Lo que nun se pué ye tar aquí tres hores quitando la playa a los demás, tando les coses como tan.
-¿Qué coses?
-¡Hai aforo completo y la xente colándose pol pedreru! ¡Pásanos poco!
-¡Haber madrugao, caranalga!
-¡Mide les palabres, eh, que yo a ti no te insulté!
-Relájese, ho…
-¡Atrás, distancia de seguridá! ¡Y póngase la mascarilla!
-Yo nun tengo na que poner, ¡soi negacionista!
-¿Qué yes qué, ho?
-Esto del Covid ye un invento de los chinos pa vaciar les playes, hundir Perlora y facer que nos duchemos en casa.
-¡Meca! Yes tan tontu que ye difícil ofendete.
-¿Quién? ¿Yo?
-Sí. Vite antes masticando agua y persiguiendo coches aparcaos.
-¿Y qué quiés? Depués de tar tres meses confinaos…
-¡Respeta les normes! ¡Por gente como tu vamos acabar toos encerraos!
-¿Gente como yo?
-Sí. Tamos apetuguñaos por tu culpa. Vete pa tu casa, ya tuviste bastante playa.
-¿Quién yes tu pa mandame a mi a casa? ¡Oveyaaaa!
-¡Atrás, feu, distancia de seguridá!
-Yo nun soi feu, tengo la cara desordená.
-Lo que tienes ye una avería cojonuda. Tas viendo que nun hai playa pa toos…
-Si subió la marea, no ye mi problema.
-¡Garra los bártulos y tira pa casa, los demás tenemos derecho a playa!
-Tú a mí no me mandes pa casa, oveya, ¡güeles a perru moyau!
-Háblame usté en castellano porque en histérico no lu entiendo.
-¿Histéricu quién? ¿Histéricu yo?
-¡Sí, tas de los nervios, sí señor!
-¿Yo? ¿Tengo culpa de que suba la marea? ¿Eh, ho? ¿Tengo la culpa yo?