En la ardiente oscuridad.
-¡Mira, nenu, el relevu!
-Que no, güelito.
-¿Cómo que no?
-¡Trail extremo!
-¿Cómo ye, ho?
-Que van facer atletismo, güelu, no a picar carbón.
-¿Dentro la mina, ho?
-Sí, güelito, a más de mediu kilómetro de profundidá.
-¿Pero qué me tás contando, Yonatán?
-El futuro, güelu, facer una carrera en condiciones extremas.
-Como los tus hermanos, que ficieron Filosofía y Letras pa quedase a trabayar en la cuenca.
-No, güelito, que aquí vienen a correr muchos atletas de fuera.
-¡Y los de aquí salen fuera a too trapu a ver si topen trabayu!
-Vamos ponenos de moda, güelito.
-Sí, ho…
-Turismo de aventura.
-¡Lo que me quedaba por ver, cagonrós!
-¿Por?
-Con lo que pasamos ahí dentro tu pa, los tus tíos y yo…
-Ya llovió, güelu, ya llovió.
-Y argayó la cuenca, guaje, argayó.
-¿Qué dices, güelitó?
-Que vas tenelo jodío, Yonatán.
-¿Yo?
-Empresas que cierran, polígonos vacíos, campus sin estudiantes…
-Pero güelu…
-Marcharás tamién tu, nenu, aquí vamos quedar cuatro vieyos.
-Que no, que va ponese de moda…
-Sí, ho.
-… Y yo, de mayor, voi trabayar ahí dentro pa da-yos avituallamiento.
-Probe… Tamos guapos.
-Los tiempos cambien, güelito, hai que buscar nuevos empleos.
-¡Ay, ay, los fondos mineros…!
-¿Por qué lloras, güelu?
-Nun toi llorando, guaje, lo que toi ye de mala hostia.
-¿Pero por qué?
-Nosotros namás corríamos cuando había un escape de grisú.
-¿De qué?
-Ná, déjalo Yonatán, ye igual.
-Alégrate, güelito, que tamos de moda.
-¿Por?
-Turismo minero, osero, de aventura…
-Avistamiento de vieyos, trabayu pa cuatro chigreros…
-¡Que no, que vamos petalo, güelito!
-Sí, ho.
-¡Verás qué manera de generar empleo!
-Home, vaaaa…
-Sin pozos la cuenca va a quedar…
-Como aquella obra de Buero.
-¿Qué?
-“En la ardiente oscuridad”.