Hasta que la FEVE nos separe.
-¡Bueno, hala… Falín! Ya ta el tren ahí.
-¡Toi por saltar el tornu!
-Tu pinta el pijo, verás qué multa.
-¿Y si te sigo?
-¿En twitter?
-No, coño. Si garro el de menos cuartu y fago transborno nel Berrón…
-¡Que no, Falo, que no! Les coses acabense. Y punto.
-¿Y el cariño que te toi cogiendo?
-¡Ay Falo, sabieslo ya! Lo nuestro tenía fecha de caducidá.
-Entregueme a tí por completo, Magali.
-Amor de verano, Falo. ¡En eso quedamos!
-Ya pero lo nuestro fue tan…
-Sexual, bobu, estrictamente sexual.
-Que no, tía, que te lo juro que tuve cambios bioquímicos.
-Eso ye de mezclar sidra con chupitos.
-Sí ho. ¿Y les mariposes nel estómago?
-Serán andariques. Con tolo que comiste…
-¡Quédate, Magali, espera! ¡Pasemos juntos el otoño aquí, en La Felguera!
-¡Ay qué va!
-¿Por?
-Desengáñate, fíu. En otoño, ya nun soi igual.
-¿Qué quies decir?
-Nun tomo helaos de vainilla y veo pelis en versión original.
-¿En serio? ¿Y nun te duel la cabeza?
-Tengo días, pa qué te voi a engañar.
-¡Espera, Magali! ¡Espera, coño, que tovía nun acabó el verano!
-Ya, pero por les noches refresca y ya nun toi pa la mano.
-¡Bésame, Magali!
-¡Nun puedo, Falín, ya ta el tren ahí!
-Quédate, cielo.
-Marcho pa Noreña. Allí tengo mi vida hecha.
-¿En Noreña? ¿Hai otra persona?
-¡Somos cinco mil y pico habitantes, gilipollas!
-Ya, coño, pero sabes a lo que me refiero…
-¡Adiós, Falo! Quédome solo con los momentos guapos. Oye, lo del gatillazu…
-¡Pa prau, Magali, déjalo pa prau!
-Tas como un torín, Falín, pa ser una quincena supliome bastante.
-¡Puf! Cada vez que vea les fotos del móvil…
-Anda, calla, bobu, nun te pongas melancólicu.
-¡Llévame contigo, gordi!
-Que no, Falo, que no. Ya sabes que tú en mis círculos…
-Dichosos círculos. ¡Mira pa qué nos valió!
-Al final, vuelve la normalidá. Tu pal Tartiere, yo pal Molinón…
-¡Cagonrós, por ti apuntábame a la fusión!
-¡Cuidao ahí, Falín, cuidado ahí! Con eses coses, bromes no.
-Meca, tienes razón.
-Empieza la liga, acabase’l sentíu del humor.
-¿Y el cariño que te toi cogiendo?
-Un día llámote pa comer picadillo.
-¡Uf, tía, qué mal llevo esta pasión de cercanias!
-Ye lo que hai, bobu. Lo nuestro no ye viable.
-Pero tenía que durar…
-Sí. Hasta que la FEVE nos separe.