Enguapiaste
26/07/2022
Dieta mental
09/08/2022
Show all

Cuando te cuesta olvidar.

-¿Qué tal, Lito? ¿Vas o vienes?

-Quédome.

-¿Cómo ye, ho? 

-Bah, qué sé yo.

-¿Pero nun empezabas les vacaciones agora n’agostu, ho?

-Sí, pero toi desbordau. Tengo mucho trabayu por cerrar.

-¿Trabayu?

-Sí, Quilino, sí. ¿Tú sabes cómo tengo’l taller, lo que me queda por facer?

-Anda, Tira pa Benidorm, nun sías faltosu 

-Qué va, Quilo, nun me lo lleva’l cuerpu. 

-Pero…

-Una carga de trabayu de la so madre y nun hai con quien cuntar.

-Home, no me… ¡Arranca y desconecta! ¡Marcha unos días…!

-Na, nun puedo, tamos desbordaos.

-Tienes que priorizar, Lito.

-¿El qué, ho?

-Qué ye importante y qué corre prisa. Delega, tío.

-Sí, ho. Ta guapu el mi cuñau pa cargar con tou. Na, amás pa marchar solo unos díes…. ¿A ti les vacaciones nun se te faen cortes?

-Al contrariu. Yo voi cola muyer, bobu, y se me faen eternes.

-Ah, coime. ¿Y vosotros fuistéis en julio?

-No. En julio tuvimos juntando…

-¿Perres?

-No, ganes. Teníamos muches ganes pero al final…

-¿Qué?

-Na. Yo quería un llugar frescu, baratu y tranquilu.

-¿Y ella qué te dijo?

-Como nun nos metamos nel sótano…

-Vaya. ¿Y ónde fuistéis por fin?

-Al Nilo, Lito, al Nilo.

-¿Cómo ye, ho?

-Ni lo puedo pagar, ni lo puedo soñar.

-Vaya, ho.

-Echamos cuentes, empezamos a recortar y recortar, y marchó ella sola.

-Meca.  

-Vino picá de mosquitos la probe. Digo: eso pásate por no llevar el repelente. Pillástelo, ¿no? El repelente, dizlo ella, soi yo.

-Yes mundial. 

-Pero tú nun sías tontu, aprovecha, ¡marcha! ¡Sube al autocar!

-Qué va, que nun puedo, Quilino. ¡Qué va!

-Olvídate del puñeteru taller, ho. Y aprovecha…

-El calorón, les coles, les meduses, puf… Qué va, qué va.

-Home, pero…

-Na. Voi dejar la maleta, tomar una botellina y tiro pal taller.  ¿Tú qué vas facer hoy, Quilino?

-Nada.

-¿Pero nun ficiste eso ayer?

-Sí, pero nun terminé.

-Ah. Pues invítote a una botellina de sidra. Y luego tiro pal taller.

-¿Pero a ti paezte normal?

-Sí, nun sé, qué quiés, tengo un estrés…

-Yá lo veo, yá. ¡Estrés prevacacional!

Comentarios

comentarios