¿Para qué sirve un teléfono?
-¡No lu defiendas, Mariluz!
-Pero, Arcadio…
-¡Tol putu día pegau al móvil y nun hai quién hable con él!
-Probe…
-No lu oí, teníalu en silencio, taba sin cobertura… ¿A ti paezte normal?
-La culpa tienesla tú.
-¿Yo?
-Sí, Arcadio, por llamar.
-¿Cómo ye, ho?
-El probe nun pué responder, ni llamar, ¡tien ansiedá!
-¿Ansiedá?
-Sí, imaginate, tién que reunir el valor suficiente pa facer una llamada.
-¿Pero qué me tas contando?
-¡Ye un millennial, bobu, ta n’una edá bien mala!
-¿Pa descolgar el teléfono? ¿Pa responder una puta llamada de teléfono?
-Sí, ho. Pa ellos, recibir una llamada ye una intromisión en su vida cotidiana…
-¡Coño! ¿Y pa los demás?
-Ya. Pero Borja nun ye de conversación presencial.
-¿Que qué, ho?
-Ye asincrónicu, bobu, no ye sincrónicu.
-¿Qué pijaes dices? ¿Tú qué quies, tomame’l pelo?
-No, vida, dígotelo en serio. Él ye más de guasap o notes de voz. Pa ellos ye más cómodo, menos intrusivo.
-¿Entós pa qué quier el teléfono, si nun contesta?
-¿Otra vez,ho? ¿Cómo te lo tengo qu’esplicar?
-¡Manda güevos! Nun garra una puñetera llamada y nun llama nunca.
-La culpa tienesla tú, Arcadio, por llamalu.
-¿Qué ye, que nun puedo ni llamar al mi fiu por teléfono?
-Eso pa él ye ofendelu.
-¡Mecagonla…! ¡Más gorda nun entra en prau!
-Tienes que asumilo. El nuestru Borja solo fala con notes de voz y mensajes escritos.
-Sí, escritos como’l culo. El móvil será inteligente pero el guaje solo tien faltas d’ortografía.
-Prubín.
-¿Cómo que prubín? ¿Pero él sabe que esi chisme ye un teléfono?
-Ay, Arcadio, por favor…
-Ta ultraconectau pero ye incapaz de hablar por teléfono, no me jodas.
-Ta en sus coses, vida, con sus redes, sus juegos, sus aplicaciones…
-¡Cagonrós! ¡Y encima pagueilu yo!
-Normal, el críu ta sin trabayar.
-¡Voi tirailu a cadiós! O sea, que ahora no lu puedo ni llamar.
-¿Qué quies, qu’enferme de ansiedá?
-¡Qué coses dices, Mariluz!
-Acuérdate lo mal que lo pasó nel confinamientu coles videollamaes teniendo’l probe que mostrase en vivo, sin filtros…
-¡Mira, Mari, toi del guaje y de los móviles…!
-Ye lo que hai, Arcadio.
-Esi bichu tien tantes funciones que ya no sé ni pa qué cojones sirve.
-Pa no hablar, Arcadio.
-¿Eh?
-Sirve pa no hablar.